WAZIRI WA KATIBA NA SHERIA AMEONGOZA BONANZA KUHAMASISHA SENSA.

Tarehe ya kuwekwa: August 21st, 2022

Na

Amina pilly

20 Agosti 2022

Waziri wa katiba na sheria Dkt. Damasi Ndumbaro amewataka wananchi wote wa Songea mjini kujitokeza katika zoezi la sensa itakayofanyika tarehe 23 agosti 2022.

Hayo yametamkwa jana tarehe 20 agosti 2022 katika uwanja wa majimaji iliyoshirikisha wananchi mbalimbali, wadau wa michezo, viongozi wa vyama vya siasa kwa lengo la kuhamasisha wananchi kujitokeza katika zoezi la sensa.

Dkt. Ndumbaro amesema kuwa sensa inaiwezesha serikali kupata takwimu sahihi zitakazo saidia katika upangaji wa mipango ya maendeleo ya mji wa songea na taifa kwa ujumla, ambapo alisema  kuwa “sensa ni ajenda yetu kwa mwaka huu ambayo itawezesha kupata takwimu ya ongezeko la watu ambapo itasaidia kupandisha hadhi ya mji kutoka Manispaa na kwenda kuwa jiji”.

 Alisema makarani wote watakaohusika katika zoezi la sensa wahakikishe wanatekeleza wajibu wao kwa kuzingatia mafunzo waliyopewa  ili  kufanikisha ukusanyaji wa  takwimu sahihi unafanikiwa kwa kiasi kikubwa.

Aliongeza kuwa michezo ni muhimu na inasaidia kujenga afya ya mwili hivyo amewataka wananchi kuendelea kufanya mazoezi kwa  kila mwisho wa mwezi ambapo amewaondoa shaka wanamichezo wa  timu mbalimbali zinazoshiriki mazoezi ambapo ameahidi  kuwa mlezi wa timu hizo kwa kusaidia vitu muhimu kama jezi, mpira na t-shirt kwa lengo la kuwaunga mkono SOMI FOUNDATION 2022 SENSA MARATHON ambayo ni imeanzishwa na jamii ya Songea kwa madhumuni ya kudumisha michezo  na mazoezi ya viungo vya mwili na shughuli nyinginezo za kijamii.

Aidha Dkt. Ndumbaro ( MB) ametoa T-shirt  kwa SOMI FOUNDATION na washiriki wote waliohudhuria kwenye mazoezi, Mipira Miwili kwa timu  za Mpira wa Miguu na kikapu pamoja na Medali kwa wanamazoezi hao. 

Naye mbunge wa viti maalumu Ruvuma Mhe. Mariamu Nyoka, amewarai wananchi kujitoa katika zoezi la sensa na kutoa taarifa sahihi ili kufanikisha Serikali kupata takwimu sahihi ambazo zitasaidia  katika utekelezaji wa miradi mbalimbali ya maendeleo mkoani Ruvuma na taifa kwa ujumla.

Mheshimiwa  Mariamu (MB) alisema katika kuunga mkono jitihada za Mheshimiwa Mbunge Dkt. Ndumbaro  ametoa zawadi mbalimbali zinazohusisha vifaa vya michezo kwa dhumuni la kuhamasisha wananchi kushiriki katika michezo, na kuwahamasisha kujitokeza katika zoezi la sense ambapo miongoni mwa zawadi zilizotolewa ni pamoja na bibs seti mbili, jezi seti mbili, mpira wa basketball mmoja na mipira ya netball miwili za timu mbili za wanawake, pamoja na  mipira ya miguu miwili  na jezi za timu mbili za wanaume.

Wananchi nao kwa wakati tofauti, wamewapongeza waheshimiwa wabunge hao  kwa kuhamasisha  jamii kufanya mazoezi ambayo imehusisha uhamasishaji wa Sensa kwa wananchi kujitokeze kuhesabiwa tarehe 23 agosti 2022 ambapo kwa umoja wao wameahidi kujitokeza kuhesabiwa.  

MWISHO