YALIYOJIRI muda mfupi kabla ya chifu Songea Mbano kupigwa risasi na wajerumani

Tarehe ya kuwekwa: February 21st, 2019

PICHANI ni Nduna Songea Mbano Luwafu, alipigwa picha hii muda mfupi kabla ya kunyongwa na wajerumani Machi mwaka 1906.Mashujaa wengine 66 wa Majimaji walinyongwa Februari 27,1906.

Songea Mbano alinyongwa pekee yake siku tatu baada ya wenzake 66 kunyongwa na kuzikwa katika kaburi la pamoja àmbalo lipo katika Makumbusho ya Taifa ya Majimaji Songea. Hata hivyo Songea Mbano alizikwa katika kaburi la pekee yake.Inasadikika wajerumani walikata kichwa chake na kuondoka nacho na hapa wamezika kiwiliwili chake.

Wazee wa Makumbusho ya Taifa ya Majimaji Songea kila mwaka wamekuwa wanaiomba serikali na Wizara ya Maliasili na utalii kufuatilia kichwa cha Songea nchini Ujerumani. Kwa ajili ya kumuenzi shujaa huyu mji wa Songea na wilaya ya Songea imetokana na jina lake shujaa huyu ambaye wajerumani hawatamsahau.