YALIYOJIRI SIKU YA WAJANE DUNIANI

Tarehe ya kuwekwa: June 26th, 2023

Siku ya Wajane Duniani huadhimishwa kila  ifikapo tarehe 23 Juni kila mwaka baada ya Umoja wa Mataifa kupitisha siku hii kuwa ya kimataifa kupitia Azimio Na. A/RES/65/189 la tarehe 21 Desemba 2010 na ilianzishwa na kuasisiwa na  Lord Loomba mwaka 2005.

Kutokana na changamoto mbalimbali wanazokumbana nazo wajane wanachama wa Umoja wa kimataifa waliazimia kuadhimisha siku hii kwa lengo la kuongeza uhamasishaji wa kupinga ukiukaji wa haki za binadamu kwa wajane.

Akizungumza Afisa Maendeleo ya Jamii wa Mkoa wa Ruvuma Xsaveria A.Mlimira amewataka maafisa ustawi wa jamii na maafisa watendaji kata/mitaa kuendelea kuelimisha  jamii  juu ya ugawaji wa mirathi kuzingatia kanuni na sheria ili kuleta usawa na haki ikiwemo haki ya kuwalea watoto, haki ya kumiliki Ardhi pamoja na mali.

Hayo yamejili katika kilele cha maadhimisho ya siku ya wajane Duniani ambayo yamefanyika  leo tarehe 23 Juni katika ukumbi wa Manispaa ya Songea kuudhuriwa na viongozi wa Dini, Watalaamu pamoja na wananchi ambapo yakiwa na lengo la kuimarisha ushirikiano na kutatua changamoto katika jamii.

Kupitia sanse ya watu na makazi ya mwaka 2023 Tanzania ina jumla ya wajane 1,396,262 ambapo serikali imefanikiwa kutatua changamoto  mbalimbali ikiwemo kuanzishwa kwa kampeni ya “maadili yetu Taifa letu” kwa lengo la kuwatunza na kuwalinda wajane,  kuanzishwa  madawati ya jinsia na watoto 573 katika vituo vya Jeshi la Polisi na Magereza kwa lengo la kutokomeza ukatili wa kijinsia wakiwemo wajane  pamoja na kuundwa kwa Wizara mahsusi ya Maendeleo ya Jamii,jinsia,wanawake na makundi maalum.Alisem 

Kwa upande wake Afisa Dawati la jinsia na watoto Songea  Sajenti Paulina ametoa rai kwa wajane kutoa taarifa kwa wakati ili kupata msaada wa kisheria pale ambapo wanakutana na changamoto ikiwemo kunyanyashwa na kunyimwa haki ya umiliki wa mali.  

Wametoa shukrani za dhati kwa serikali ya awamu ya sita  kwa kuwatambua na kuwajali wajane kwa kuweka mifumo ya kulinda haki na kuongeza huduma za msaada wa kisheria  Na: 1ya mwaka 2017.Wananchi Walishukuru

IMEANDALIWA NA;

AMINA PILLY;

KITENGO CHA MAWASILIANO SERIKALINI