YALIYOJIRI SIKU YA WANAWAKE DUNIANI MKOANI RUVUMA

Tarehe ya kuwekwa: March 9th, 2023

Mkuu wa Mkoa Ruvuma Kanal. Laban Thomas amewataka viongozi,wazazi au walezi pamoja na wadau mbalimbali kupinga na kukemeea vitendo vya vinavyoashiria ukatili wa kijinsia  ikiwemo  na   ndoa  ya jinsia moja .

Amesema Wazazi wanapaswa kutoa malezi bora kwa watoto wao kwa kuwapatia elimu kimazingira  na madhara ya  kushiriki  ndoa  ya jinsia moja ili kulinda vizazi vya sasa na vijavyo.

Hayo yalitamkwa  katika  kilele cha maadhimisho ya siku ya wanawake Duniani yaliyofanyika  kimkoa katika Wilaya ya Nyasa kwa lengo la kuwakumbuka wanawake 15000 walioandamana kwa lengo la kudai haki na Ujira ambayo huongeza chachu kwa wanawake katika kudai haki na usawa katika jinsia.

,Kanal. Laban   ametoa rai kwa wananchi  kuendelea kujikinga dhidi ya  maambukizi ya virusi vya Ukimwi (VVU) kwa kujitokeza kupima afya  mara kwa mara  ili kujilinda na maradhi na jamii kwa ujumla.

Alilibainisha, kuwa   takwimu  za  maambukizi ya Virus vya Ukimwi  kitaifa  ni 4.7%,  katika  Mkoa wa Ruvuma  ni 5.6%,  ambapo halmashauri ya Madaba ni 10.4%, halmashauri ya Mbinga DC 4.8%, halmashauri ya Mbinga Mji ni 7.8%, halmashauri ya Namtumbo ni 4%, halmashauri ya Nyasa ni 5.4%, halmashauri ya Songea DC ni 6.2, halmashauri Manispaa ya Songea ni 10.5% na halmashauri ya tunduru ni 3.1%.

 Amezitaka kila halmashauri   kuhakikisha  zinatenga fedha zinazotokana na 10% ya mapato ya ndani ili kutoa mikopo kwa wanawake 4%, vijana 4%, na walemavu 2%, ambapo  katika mwaka wa fedha 2022/2023  Mkoa wa Ruvuma jumla ya fedha   Mil.58,825,492.4     zilitolewa  kwa         vikundi 93  ikiwa  ni sehemu ya fedha zilizotolewa za 10% ya mapato ya ndani ya halmashau

Kwa upande wake, Mwenyekiti wa Chama Cha Mapinduzi Mkoa  Komredi  Oddo  Mwisho  amewataka viongozi, wanawake  na  Asasi  mbalimbali  kukemea  na  kupinga  ukatili  na  unyanyasaji  wa kijinsia  ambao  unaendelea  kufanywa   ili kuondoa mila na desturi potofu zinazowakandamiza wanawake  na  kuongeza  ufahamu  juu  ya  haki  na  usawa  katika jamii.

KAULI MBIU;   ubunifu na mabadiliko ya Teknolojia ni chachu katika kuleta  usawa wa          kijinsia.

AMINA PILLY

KITENGO CHA MAWASILIANO SERIKALINI.