YALIYOJIRI WAKATI WA KIKAO KAZI CHA MKUU WA WILAYA YA SONGEA NA WATENDAJI KATA/MTAA

Tarehe ya kuwekwa: August 22nd, 2022

Na; 

Amina pilly;

Mkuu wa wilaya ya songea , Mhe. Polelet Kamando Mgema amewataka wenyeviti pamoja na watendaji kata/mitaa wa manispaa ya songea kutoa ushirikiano katika zoezi la sensa itakayofanyika tarehe 23 agosti 2022.

 Rai hiyo imetolewa tarehe 20 agosti 2022 katika mkutano uliofanyika katika ukumbi wa manispaa ya songea kwa lengo la kuwahimiza viongozi hao kushirikiana kikamilifu pamoja na makarani wa sensa ili kuhakikisha zoezi hilo linafanyika kwa ufanisi  kwa dhumuni la kupata takwimu sahihi zitakazo saidia kupanga miradi mbalimbali ya maendeleo

Polelet alitoa maagizo ya kuwa kila  kiongozi anatakiwa kuwajibika kwa  kupeleka ujumbe kwa wananchi kupitia agizo la Rais  wa jamuhuri ya muungano wa Tanzania Samia Suluhu Hassan  kuwa “ siku ya jumanne itakuwa siku ya mapumziko kwa watumishi wote wa serikali,” ili  wananchi  wote waweze kujitokeza kikamilifu na kufanikisha zoezi hilo.

Aliongeza kuwa  wenyeviti na watendaji wote kufikisha taarifa kwa wananchi wote ambao wanamiliki mashamba katika maeneo yaliyopo nje ya manispaa ya songea kujitokeza kusajiliwa katika maeneo hayo ili waweze kupata pembejeo za kilimo kwa  urahisi zaidi.

MWISHO.