ALAT YAPONGEZA UTEKELEZAJI WA MIRADI MBINGA DC

Tarehe ya kuwekwa: October 6th, 2023

Mwenyekiti ALAT Mkoa wa Ruvuma Mhe. Kelvin Mapunda amewataka Madiwani wote Mkoani Ruvuma kuendelea  kushirikiana  na Wataalamu  wa Halmashauri katika  kusimamia na kutekeleza ujenzi miradi ya Maendeleo.

 Alisema Kila Halmashauri  inatakiwa kusimamia na kukusanya mapato ya  ndani ili Halmashauri iweze kufanikisha katika ukusanyaji wa mapato  na kufikia lengo lililokusudiwa.

Hayo yamejiri wakati wa ziara ya ALAT  Mkoa wa Ruvuma iliyofanyika kuanzia tarehe 04 hadi 05 Oktoba 2023 katika Halmashauri ya Wilaya ya Mbinga  kwa lengo la kutembelea na   kukagua  utekelezaji wa miradi ya maendeleo kupitia Halmashauri hiyo.

Mhe. Kelvin ametoa Rai  kwa Wataalamu wa Halmashauri   Mkoani Ruvuma  kusimamia zoezi la utaoji wa chakula kwa wanafunzi  shuleni  ambao utawezesha upatikanaji wa lishe bora  na ongezeko la ufaulu kwa wanafunzi.

Miongoni mwa miradi iliyotembelewa ni pamoja na ujenzi wa kituo cha afya Litumbandyosi kilichojengwa kwa  gharama ya shilingi Mil. 599,013,700 ambacho kipo katika  hatua ya ukamilishaji, pamoja na mradi wa kikundi cha MWO ( Mbalawala Woman Organization) ambacho kinajishughulisha na kiwanda cha utengenezaji nishati mbadala ya makaa yam awe ya kupikia, utunzaji wa mazingira, kilimo, uwezeshaji kijamii, na huduma za chakula na usafi wa mazingira katika migodi ya makaa yam awe ya ngaka.

Kwa upande wake Kaimu katibu Tawala  Mkoa wa Ruvuma Amandus  Chilumba amezitaka Halmashauri zote Mkoani Ruvuma kuendelea kuwa wabunifu wa vyanzo vya mapato katika Halmashauri ili ziweze kufikia lengo la ukusanyaji wa mapato ya Serikali. “Alisisiiza”

IMEANDALIWA NA;

AMINA PILLY;

ALAT- RUVUMA,