BARAZA la Taifa la Uwezeshaji latembelea wajasiriamali wadogo Songea

Tarehe ya kuwekwa: August 13th, 2019

BARAZA la Taifa la Uwezeshaji Wananchi Kiuchumi(NEEC) kwa kushirikiana na ofisi ya Waziri Mkuu chini wakufunzi wake wametembelea wajasiriamali mbalimbali ambao wamajiajiri katika Manispaa ya Songea Mkoani Ruvuma.

Wajasiriamali ambao wametembelewa ni wale ambao wamepata mafunzo yanayotolewa na Baraza la taifa la uwezeshaji na wakatoa ushuhuda wa jitihada zao ambazo wamezifanya na kupiga hatua katika miradi yao ambayo imewasaidia kujikwamua kiuchumi.

Kwa upande wake, Mwanakikundi wa Kona To Kona Nasma Abubakary akizungumza ofisini kwake ameelezea jinsi walivyoshirikiana katika kuanzisha kikundi chao ambacho kinajishughulisha na kutengeneza bidhaa za ngozi kama vile mikanda ya ngozi, viatu vya ngozi (sendo), eleni, bangili, Mapazia ya mianzi na mikufu. Ambapo kupitia mradi huo umetemgeneza ajira kwa vijana wanne ambao wote wanafaidika.

Abubakary amesema kuwa pamoja na mafanikio yote ambayo wamefanikiwa kuyapata tangu wameanza mradi pia ameeleza kuwa kuna changamoto ambazo zinawakwamisha kama vile mashine na mitaji na ameweka wazi kuwa kutokana na mafunzo ambayo wameyapata  yatawasaidia katika kuzikabili changamoto mbalimbali ambazo zilikuwa zinawakwamisha katika kufikia malengo yao.

“Elimu tuliyoipata inatosha na itatufikisha pale tulipolenga.”

Naye, Mjasiriamali Selemani Faraji Twaibu ambaye ni mwanakikundi wa Matogoro Stick Industry ameeleza umuhimu wa vijana kujiajiri na ametoa shukrani kwa Baraza la Taifa la Uwezeshaji kwa kuwapa mafunzo ambayo yatawawesha kupiga hatua zaidi katika biashara zao.

Pia Twaibu ameeleza kuwa ili waweze kufanikiwa zaidi ameiomba serikali kuendelea kuwaunga mkono kwa kuboresha mikopo ambayo itawasaidia kupata mitaji ambayo watahitumia katika kukuza na  kuboresha huduma zao.

Baraza la Taifa la Uwekezeshaji lipo katika Mkoa wa Ruvuma kutoa elimu ya ujasirimali na biashara kwa vijana wenye umri kati ya miaka 18 hadi 35 ambapo zaidi ya vijana 150 wamenufaika na elimu hiyo..

Imeandaliwa na 

Bacilius Kumburu

Wa kitengo cha TEHAMA Manispaa ya Songea

Agosti 14, 2019.