MABARAZA YA KATA FANYENI SULUHISHO SI KUTOA HUKUMU.

Tarehe ya kuwekwa: August 30th, 2024

Kwa mujibu wa sheria kifungu cha 13 cha sheria ya Marekebisho ya mwaka 2021  Namba 3 Baraza la kata lina haki ya kufanya Suluhisho na si kutoa Hukumu.

Baraza la ardhi ya Kata hayana Mamlaka ya kufanya Suluhisho bali ameyataka Mabaraza hayo kuendelea kufanya usuluhisho wa wa kimahakama  ili kuondoa  migogoro mbalimbali.

Hayo yametamkwa kwenye Baraza la Madiwani la Mwaka la Hesabu za Serikali 2023/2024  lililofanyika leo tarehe 30 Agosti 2024 katika ukumbi wa Manispaa ya Songea ambalo lilihudhuriwa na Viongozi mbalimbali ngazi ya Wilaya, Vyama vya Siasa, Wataalamu, pamoja na Wananchi kwa lengo la kutoa taarifa ya kufunga hesabu za Serikali za mwaka.

Akizungumza Mstahiki Meya Manispaa ya Songea Mheshimiwa Michael Mbano amezitaka Idara na Vitengo vyote vyenye  hoja za ukaguzi zisizo jibiwa wahakikishe wanajibu hoja zote kabla au ifikapo tarehe 30 Septemba 2024.

Mhe. Mbano amewataka wataalamu hao kuendelea kutoa ushirikiano kwa Wakaguzi wa hao  ili waweze kumaliza kujibu hoja zao  kwa kutoa majibu  sahihi na kukamilisha kwa wakati.

Kwa Upande wake kaimu  Mweka hazina Manispaa ya Songea  Mustafa Matili  alisema Hesabu za Halmashauri zilifungwa  kulingana na agizo namba 31  kifungu kidogo cha 1 hadi cha 6  cha muongozo wa  fedha za Serikali za Mitaa za Mwaka wa fedha 2009 kwa kuzingatia sheria za fedha za Serikali za Mitaa kwa kufuata kanunni ya ufungaji wa hesabu za Serikali za Mitaa  kimataifa namba 1 hadi 34. “Alibainisha”

Naye Katibu Tawala Wilaya ya Songea Mtella Mwampamba amesema Nanukuu” Mabaraza ya Ardhi /Ndoa  hayatakiwi kutoa hukumu au taraka bali yanatakiwa kufanya suluhisho kwasababu suala la ndoa hukumu yake inagusa haki ya mtu hivyo ameyataka mabaraza ya kimila, na mabaraza ya ndoa kutoa Suluhisho. Mwisho wa Kunukuu. 

Akitoa salaamu za chama cha Mapinduzi Mkutanoni hapo, Katibu wa CCM Songea Mjini Komredi James Mgego amesema, kuanzia tarehe 02  hadi 04 Septemba 2024 kutakuwa na ziara ya Mwenyekiti wa CCM Mkoa wa Ruvuma ambapo atatembelea miradi katika Halmashauri ya Manispaa ya Songea kisha atahitimisha kwa  kuzungumza na viongozi wa dini, na Wazee.

IMEANDALIWA NA;

AMINA PILLY

KITENGO CHA MAWASILIANO SERIKALINI.