BIL 145.77 KUTATUA CHANGAMOTO ZA MAJI MJI WA SONGEA.

Tarehe ya kuwekwa: March 11th, 2023

Katika kutatua changamoto za Maji Mjini Songea, Serikali imesaini Mkataba kati ya Kampuni ya China Civil engeneering Construction Coorporation  wa Shilingi Bilion 145.77 ambao umesainiwa tarehe 10 Machi 2023 ambao utatekelezwa kwa muda wa miezi 32.

Tukio hilo limefanyika chini ya usimamizi wa Naibu Waziri wa Maji Marypriska Mahundi ambaye alimwakilisha Waziri wa Maji lililofanyika Manispaa ya Songea  kwa lengo la kusaini Mkataba wa kazi ya usambazaji wa maji ambao ni  miongoi mwa miji 28 itakayonufaika na miradi huo.

Mhe. Marypriska amesema  katika kuhakikisha jamii inapata maji safi na salama hawanabudi  kutunza Mazingira  katika vyanzo vya maji

Kwa upande wake Mkuu wa Mkoa wa Ruvuma  Kanal. Laban Thomas   amesema  mradi huo utawezesha kuongeza uwezo wa kuzalisha maji kutoka lita  Mil. 11.58  kwa siku hadi Mil 42.58 kwa siku  ambao utaondoa kero ya maji kwa wakazi wa Songea.

Kwa  upande wake Mkurugenzi wa SOUWASA Eng Patrick Kibassa  amesema Mamlaka ya Maji SOUWASA ina jumla ya vyanzao 13 vyenye uwezo wa kuzalisha maji Lita Mil. 11.58 kwa siku sawa  na asilimia 57% dhidi ya mahitaji Mil 20.34 kwa siku.

Eng. Kibassa ameongeza kuwa huduma ya maji safi inapatika kwa saa 22 kwa siku ambapo Mamlaka inakabiliwa na changamoto ya kuzalisha maji  lita mil.11.58 kwa siku dhidi ya mahitaji lita mil. 20.33 kwa siku a ambapo mahitaji makubwa ni ya Nishati ya Umeme ambayo Mamlaka inatumia Nishati Mil. 32 kwa mwezi ili kusukuma maji kwenda  kwa wateja.

AMINA PILLY

KITENGO CHA MAWASILIANO SERIKALINI.