BIL.4 ZAJENGA VITUO VYA AFYA MANISPAA YA SONGEA

Tarehe ya kuwekwa: June 9th, 2023

Mstahiki Meya Manispaa ya Songea Michael Mbano amefanya ziara ya kutembelea miradi ya afya inayoendelea kujengwa katika kata ya Tanga, Lilambo, pamoja na kata ya Mletele.

Ziara hiyo imefanyika kwa siku tatu 3 kuanzia tarehe 06 juni 2023 hadi  08 Juni 2023 ambapo alifanikiwa kutembelea kituo cha afya Lilambo kilichoojengwa kwa thamani ya Mil. 550 fedha za mapato ya ndani  na kimeanza kutoa huduma za awali, Kituo cha afya Mletele kinachojengwa kwa thamani ya Mil. 545 fedha kutoka Global Fund, pamoja na ujenzi wa Hospital ya Manispaa ya Songea inayojengwa kwa thamani ya Bil. 1 fedha kutoka Serikali kuu.

Mhe. Mbano  “ametoa shukrani kwa Serikali ya awamu ya sita inayoongozwa na Mheshimiwa. Dkt. Samia Suluhu Hassan  Rais wa Jamhuri ya Muungano wa Tanzania kwa  kutoa fedha  kiasi cha Bil 4  kwa lengo la kupunguza kero  ya umbali wa upatikanaji wa huduma za Afya.”

Aliongeza kuwa, kituo cha afya Mletele kimegharimu jumla ya kiasi cha  fedha Mil. 845 fedha ambazo Mil 545 zimetumika kwajili ya ujenzi na Mil 300 kwa ajili ya vifaa tiba  ambapo ujenzi utakamilika mara ifikapo  tarehe 30 juni 2023.

Imeandaliwa na;                                                           

Amina  Pilly;

Kitengo cha Mawasiliano Serikalini.