DC SONGEA ATOA MAAGIZO KWA WEO'S NA MEO'S.

Tarehe ya kuwekwa: November 27th, 2020

“Songea tunasonga mbele”

Kauli hiyo imetamkwa na Mkuu wa Wilaya ya Songea Pololet Kamando Mgema katika kikao kazi na wakuu wa Idara, Maafisa Watendaji wa Kata, Maafisa Watendaji wa Mitaa kwa ajili ya kupanga mkakati wa kumaliza kugawa vitambulisho  vilivyobakia 8873 vya wajasiliamali wadogo, kilichofanyika leo 27.11.2020 katika ukumbi wa Manispaa ya Songea.

Kamando alisema “kwa mwaka 2019 Manispaa Ilipokea vitambulisho vya ujasiliamali wadogo 11,000 ambavyo kwa jitihada nzuri za watendaji hao  waliweza kukamilisha kuvigawa kwa wakati nakuifanya  Halmashauri ya Manispaa ya Songea iwe ya kwanza kimkoa wa Ruvuma kwa utekelezaji mzuri” aliwapongeza.

Aliongeza kuwa mwaka huu 2020 Manispaa imepokea Vitambulisho 11,000 ambapo hadi hivi sas vitambulisho vilivyogawiwa ni 2127, ambavyo havijagawiwa ni 8873 ambapo amesema haoni sababu ya msingi ya kutomaliza kutekeleza zoezi hilo.

Amewataka wataalamu hao kufanya kazi kwa weledi na kuhakikisha kila mkuu wa Idara na Vitengo, Maafisa wa Watendaji kata na mitaa wanasimamia na kushiriki kwenye  zoezi hilo kikamilifu ili kufikia lengo lilikubalika.

Amewataka wataalamu hao kufanya kazi kwa kushirikiana (timu), na bila kuwanyanyasa  wajasiliamali hao ili kufanikisha zoezi la ugawaji wa vitambuliusho kwa wajasiliamali wenye sifa.

Lengo kuu la Serikali kuwawezesha wajasiliamali wenye mitaji midogo kukuza mitaji yao kwa kuondoa ushuru wa shilingi mia nne 400 ambao hutozwa kila siku na kulipa shilingi elfu ishirini 20,000 ambayo hulipwa mara moja ndani ya  mwaka husika. Pololet alibainisha.

Naye Afisa biashara Manispaa ya Songea Furaha Mwangakala alisema miongoni mwa mikakati waliyojiwekea ili kufikia lengo ni pamoja na kufanya kazi kwa timu na kwa kushirikiana na wakuu wa idara na vitengo, kila mtendaji wa kata /Mtaa kuhakikisha anashiriki zoezi hilo, pamoja na kuendelea kutoa elimu kwa jamii umuhimu wa kununua  kitambulisho cha mjasiliamali.

Amewataka wataalamu hao kuanza kazi mara moja  ya ugawaji wa vitambulisho pamoja na kufanya  uhakiki kwa kila mjasiliamali kama ana kitambulisho cha ujasiliamali na kama hana kitambulisho anapaswa kununua kitambulisho au  kukata leseni ya biashara.

MTAYARISHAJI; 

AMINA PILLY;

AFISA HABARI MANISPAA YA SONGEA.

27.11.2020.