DELIGHT GARDEN PARK YAANZA KUTOA HUDUMA

Tarehe ya kuwekwa: September 23rd, 2023

Mkuu wa Wilaya ya Songea Mhe. Kapenjama Ndile amewataka viongozi  kutoa ushirikiano kwa mwekezaji  wa Bustani ya Manispaa Songea Hamza Mohamedy “ DELIGHT GARDEN PARK”  ambayo  imefunguliwa tarehe 22 Sepytemba 2023  na kuanza kutoa huduma.

Akizungumza  kwenye tafrija hiyo Mhe. Ndile alisema” Hivi karibuni  Serikali inaanza ujenzi wa barabara kutoka Muhukulu kwenda Magwamila pia na ujenzi wa kiwanda cha Miwa ambacho itawezesha  kufungua fursa za kiuchumi na uwekezaji hususan  katika mji wa Songea.

Hivyo, amewataka wananchi, na wadau mbalimbali kuwekeza katika maeneo ya ndani ya Songea ili kuleta maendeleo ya kiuchumi, uwekezaji, viwanda na  fursa za kitalii.

Kwa upande wake Mwenyekiti wa CCM Mkoa wa Ruvuma Komredi Oddo Mwisho  ametoa wito kwa Waheshimiwa Madiwani kuendelea kushirikiana na wataalamu  na kuhamasisha  wadau waweze kuja  kuwekeza  katika Maeneo mbalimbali  ili  kuleta maendeleo kwa wananchi wa Manispaa ya Songea.

Naye Afisa Biashara Joseph Martin Kabalo alisema “ Elimu iendelee kutolewa kwa wananchi juu ya uwekezaji ili kuweza kupata wadau wengi waweze kuwekeza katika maeneo mji wa Songea ikiwemo na hoteli.

Martin aliongeza kuwa Mil. 348 zimetumika katika uwekezaji huo ambao pia umesaidia kuongeza fursa za ajira  kwa wananchi wa Manispaa ya Songea. “Alipongeza”

Kwa upande wake kaimu Mkurugenzi Manispaa ya Songea Janeth Moyo alitoa pongezi kwa Mwekezaji  Hamza Mohamedy  “ DELIGHT GARDEN PARK” kwa kuwekeza katika Bustani hiyo ambayo itawezesha Halmashauri kupataa mapato.

Kwa upande wake Mwekezaji Hamza Mohamedy  alitoa shukrani kwa Manispaa ya Songea kwa kumpatia eneo hilo kwa ajili ya uwekezaji ambapo amewataka viongozi, wananchi kumuunga mkono katika uwekezaji wake ambao amewekeza kwa gharama ya Mil. 348. “ alishukuru”

IMEANDALIWA NA;

AMINA PILLY;

KITENGO CHA MAWASILIANO SERIKALINI.