IJUE DAWA ILIYOCHANGANYWA NA MAJI,PUNJE ZA MAHINDI NA MTAMA NA ILIVYOWASADIKISHA WAPIGANAJI WA VITA VYA MAJIMAJI

Tarehe ya kuwekwa: February 26th, 2020

Ni katika Kongamano lililofanyika Jana 25/02/2020 katika ukumbi wa Halmashauri ya Manispaa ya Songea

 Mgeni Rasmi wa Kongamano la Tamasha ya Kumbukizi ya Vita vya MajiMaji ni Dr Willy Migodela Makamu Mkuu wa Chuo cha SOCAITE kilichopo manispaa ya Songea.

 Dr Willy  alizitaja Taasis au Wadau mbalimbali ambao wameshiriki katika kongamano hilo ni pamoja na Makumbusho ya Taifa, Wizara ya Maliasili, Idara ya Mali Kale, Ruaha National Park, Baraza la Makumbusho (M) Ruvuma, Wananchi Mbalimbali, Pamoja na baadhi ya  wawakilishi wa wanafunzi kutoka Shule za Msingi na Sekondari zilizopo manispaa ya Songea.

 Vita vya majimaji ni Vita vya Ukombozi vilivyopigana ili kunyofoa katika Utawala wa Kijerumani  uliokuwa unaotesha mizizi yake nchini Tanzania, ili kupinga utawala wa kikoloni, kupinga  kunyanyaswa, kunyang’anywa ardhi, kupinga uwepo wao katika himaya zao.

Aliitaja  Mikoa ya Kusini Mashariki  ya Tanzania ambayo Vita hivyo vilipigana katika Ardhi ya Mikoa ya Ruvuma,Njombe,Iringa,Morogoro,Lindi,Mtwara,Pwani,Dar es salaam, na Tanga(Pangani).   Miongoni mwa makabila yaliyoshiriki katika kupigana Vita  vya majimaji ni; Wangoni,Wasangu, Wahehe, Wamatumbi,Wamwera, Wangindo, Wapogoro, Wayao, Wandendeule,Wamatengo, Wabena, Wahehe  na makabila mengine.

Kutokana na mapambano makubwa yaliyofanyika katika Kijiji cha Maposeni  ambayo yalipelekea kukamatwa kiongozi Nkosi Mputa mnamo tarehe 10/01/1906  katika vijiji vya Peramiho, Kigonsera, Kingole,na Namabengo na Mjini Songea  yalipelekea viongozi (100)  wa kingoni kunyongwa 27/02/2020  ndio sababu ya kilele cha Tamasha la kumbukizi ya Vita vya Majimaji kufanyika kila mwaka.

KAULI MBIU “MCHANGO WA VITA VYA MAJIMAJI KATIKA KUENDELEZA  NA KURITHISHA  URITHI                     WA UTAMADUNI KWA MAENDELEO YA TAIFA”

                                                                   IMEANDALIWA NA;

                                                                       AMINA PILLY

                                                       KAIMU  AFISA HABARI MANISPAA YA SONGEA