KAMATI YA FEDHA NA UONGOZI SONGEA MC, YAKAGUA MIRADI

Tarehe ya kuwekwa: October 20th, 2022

Kamati ya fedha  na uongozi Manispaa ya Songea  kwa kushirikiana na wataalamu imeweka mpango mkakati wa kuboresha ukusanyaji wa mapato ya ndani  kupitia  vyanzo  vyake vya mapato kwa lengo la kuongeza tija ya ukusanyaji wa mapato katika  Halmashauri.

Kauli hiyo imebainishwa leo tarehe 20 Oktoba 2022  wakati wa ziara ya kamati ya fedha na uongozi iliyofanyika kwa lengo la  kujiridhisha na kukagua hatua mbalimbali za utekelezaji wa miradi ya ujenzi, na kutembelea  vyanzo mbali mbali  vya mapato hususani chanzo cha madini ya ujenzi.

Ziara hiyo ya siku moja ambayo imeongozwa na mstahiki Meya Manispaa ya Songea Michael Mbano ambaye amewataka wataalamu  kuwa wabunifu katika kuibua vyanzo vipya vya mapato  ambavyo vitawezesha  kuongeza ufanisi katika ukusanyaji wa mapato.

Kamati ya fedha na uongozi imetembelea mradi wa kituo cha afya Mletele unaotekelezwa kwa gharama ya shilingi 545,334,640, ujenzi wa mabweni 2 na vyumba 3 madarasa ya shule ya sekondari ya wavulana Songea kwa gharama ya Mil. 260, ujenzi wa bweni 2 na vyumba vya 4 vya  madarasa shule ya Sekondari wasichana Songea kwa gharama ya shilingi Mil. 280, eneo la ujenzi wa Holding Ground   pamoja na kutembelea chanzo cha madini ya ujenzi.

Naye Mchumi wa Halmashauri ya Manispaa ya Songea Andambike Kyomo akizungumza kwa niaba ya Mkurugenzi wa Manispaa ya Songea alisema Manispaa ya Songea imekusudia kukusanya kiasi cha shilingi Mil. 151,200,000 kupitia vyanzo vya madini ya ujenzi ambapo kuanzia julai hadi tarehe 20 Oktoba  2022 Manispaa ya Songea tayari  imekusanya kiasi  cha shilingi Mil. 10,200,000 na zoezi linaendelea.

AMINA PILLY

KITENGO CHA  MWASILIANO SERIKALINI.