KAMATI YA LISHE YAJIPANGA KUONDOA ASILIMIA 0.1% ZA UTAPIAMLO.

Tarehe ya kuwekwa: September 14th, 2023

Mwenyekiti wa kamati ya Lishe Manispaa ya Songea amewataka wataalamu wa Lishe, kuhakikisha wanaendelea kutoa elimu ya lishe kwa jamii ili kuondoa  utapiamlo  kwa watoto chini ya miaka 5  ambao  katika kipindi cha Aprili hadi Juni ni watoto  13 sawa na asilimia 0.1%  za watoto wenye utapiamlo mkali.

Takwimu  hiyo imekuja mara baada ya kufanya uchunguzi wa hali ya lishe kwa kutumia mzingo wa mkono kwa watoto chini ya miaka 5 ambapo jumla ya watoto 33, 755 wenye  umri chini ya miaka 5 walichunguzwa  hali ya lishe kati ya 32,216 ambayo sawa na asilimia 104.7.9%, pia  kati ya hao 13 waligundulika kuwa na utapiamlo mkali sawa na asilimia 0.1%.

Aidha jumla ya watoto 1257 ambao ni sawa na 3.7% walichunguzwa na waligundulika kuwa na utapiamlo wa kadiri, pia watoto 32485 walichunguzwa sawa na asilimia 96.2 hawakuwa na utapiamlo.

Kikao hicho kimefanyika leo tarehe 14 Septemba 2023 katika ukumbi wa Manispaa ya Songea kwa lengo la kufanya tathimini ya utekelezaji wa shughuli za lishe katika kipindi cha Aprili hadi Juni 2023.

Akizungumza Afisa Elimu Sekondari Bi. Janeth Moyo  kwa niaba ya Mkurugenzi Manispaa ya Songea  ambapo amewataka wakuu  wa shule kuhakikisha wanazisimamia klabu za lishe za shule ili utekelezaji wa shughuli za lishe uweze kutekelezeka kwa usahihi.

Imeandaliwa na;                                        

Amina Pilly;

Kitengo cha Mawasiliano Serikalini.