KAMATI YA SIASA SONGEA MJINI YARIDHISHWA NA UTEKELEZAJI WA MIRADI

Tarehe ya kuwekwa: September 13th, 2022

Kamati ya Siasa Wilaya ya  Songea  Mjini (CCM) imeridhishwa na utendaji wa kazi wa miradi maendeleo  inayoendelea kujengwa katika Halmashauri ya Manispaa ya Songea  kutokana na miradi hiyo kutekelezwa kwa kiwango kizuri.

Ziara hiyo imefanyika leo 13 Septemba 2022 iliyoongozwa na Mwenyekiti wa CCM Wilaya ya Songea Mjini  Hamisi Abdallah Ally ambaye  ametembelea miradi mbambali ya maendeleo iliyopo kwenye kata ambapo aliongozana na  wajumbe wa kamati ya siasa Wilaya, na Wataalamu kwa lengo la kufanya ufuatiliaji wa utekelezaji wa miradi ya maendeleo.

Miongoni mwa miradi iliyotembelewa ni pamoja na ujenzi wa kituo cha afya Lilambo kilichojengwa kwa shilingi Mil.500 fedha za mapato ya ndani, ujenzi wa shule mpya ya sekondari ya Ruhila iliyopo kata ya Mshangano iliyojengwa kwa shilingi Mil. 470 fedha za mradi wa SEQUIP shule ambayo tayari imefunguliwa rasmi tarehe 05 septemba 2022 na kuanza rasmi msimu wa masomo kwa wananfunzi.

Aidha, walitembelea pia  Ujenzi wa kituo cha afya Mletele uliyopo katika kata ya Mletele unaojengwa kwa kwa gharama ya shilingi mil. 545,334,640 fedha kutoka Global fund, ujenzi wa mabweni 4, madarasa 3 kwa shilingi Mil 260 uliyopo shule ya wavulana Songea katika kata ya Seedfarm ukiwa hatua ya kupaua,   pamoja na ujenzi wa mabweni 4, na madarasa 3 matatu katika shule ya wasichana Songea kwa gharama ya shilingi Mil. 280 uliopo katika kata ya Mjini.

Hamisi amewapongeza wataalamu wote kwa usimamizi thabiti wa miradi ya maendeleo na amewataka kutatua changamoto ndogondogo  zinazojitokeza katika utekeleza  miradi hiyo na  kukamilisha kwa wakati .

Akisoma taarifa ya utekelezaji wa mradi wa kituo cha Afya Lilambo  Afisa Mtendaji wa Kata ya Lilambo Teah Komba alisema bajeti ya mwaka 2021/2022 mradi  uliidhinishiwa kiasi cha fedha Mil 500 kutoka mapato ya ndani pamoja na nguvu za  wananchi wakiwa wamechangia kiasi cha shilingi 3,295,000  ambapo hadi hivi sasa upo hatua ya ukamilishaji.

Aidha Mkuu wa shule ya Sekondari ya Wavulana Songea  Gelasius Lugome alisema mradi huo uliibuliwa na Serikali mwaka 2022  na kutekelezwa kupitia SEQUIP ambao umelenga kunufaisha shule kwa kuongeza madarasa matatu 3 na mabweni 2 mawili kwa lengo la kuongeza udahili wa  wanafunzi wa kidato cha tano na kupunguza msongamano mabwenini na madarasani.

Lugome amebainisha kuwa mradi huo unatekelezwa kwa mfumo wa “FORCE ACCOUNT “kama ilivyoamuliwa na Serikali ambapo kwasasa upo hatua ya upauaji kwa mabweni na ujenzi wa madarasa hatua ya ukamilishaji.

Wajumbe wakamati ya siasa wakitoa maoni yao kwa pamoja wameonesha kuridhishwa na mwenendo wa utekelezaji wa miradi yote iliyotembelewa na wamewarai  wataalamu kutekeleza miradi hiyo kwa kufauata taratibu za manunuzi zilizowekwa na Serikali.

IMEANDAILIWA NA;

AMINA PILLY

AFISA HABARI.