KAMATI YA SIASA WILAYA YA SONGEA MJINI YARIDHISHWA NA MIRADI.

Tarehe ya kuwekwa: February 3rd, 2023

Kamati ya Siasa CCM Wilaya ya Songea ikiongozwa na mwenyekiti wa chama hicho Mwinyi Msolomi wamefanya ziara ya kutembelea miradi mbalimbali ya maendeleo  na kuridhishwa na utendaji wa kazi  wa miradi hiyo.

Ziara hiyo imefanyika leo tarehe 03 Februari ambapo wameweza kufanikiwa kutembelea miradi ya ujenzi wa madarasa 6 katika shule ya Sekondari London kwa shilingi Mil. 120 fedha kutoka Serikali kuu, Ukamilishaji wa vyumba 2 vya madarasa shule ya Msingi  Londoni kwa gharama ya shilingi Mil. 25, Upanuzi wa shule za Sekondari  kidato cha sita shule ya wasichana  Songea kwa shilingi Mil 280.

Aidha Miradi mingine iliyotembelewa ni ukamilishaji wa zahanati ya Makambi kwa shilingi Mil. 50, ujenzi wa vyumba viwili 2 vya madarasa   shule ya Sekondari  Matogoro kwa shiligi Mil. 40  kutoka Serikali kuu, Ukaguzi wa Barabara Mil. 700 kutoka Tunduru JCT – Seedfarm – Kuchile  kwa shilling 398.

Miradi  ya upanuzi wa  shule za Sekondari ya Wavulana  Songea kwa shilingi Mil. 260 pamoja na ujenzi wa kituo cha afya Mletele kwa shilingi 545 fedha za Global Fund,  Ujenzi wa chumba 1 cha maabara na cha Kompyuta katika shule ya Sekondari Ruhila na ujenzi wa madarasa 7 bombambili Sekondari kwa shilingi Mil 140 kutoka Serikali kuu ambayo yameanza kutumika.

Msolomi alianza kwa kuwapongeza wataalamu wa Manispaa ya Songea, waheshimiwa Madiwani kwa ushirikiano bora wa usimamiaji wa  miradi  mbalimbali ya maendeleo ambayo baadhi yake miradi  imekamilika na imeanza kutumika na miradi mingine ipo hatua mbalimbali za ukamilishaji. “Alipongeza”

Amewataka wataalamu pamoja na viongozi wa chama ngazi ya Wilaya, kata, Mitaa kuhakikisha wanafuatilia suala la wanafunzi waliochaguliwa kujiunga kidato cha kwanza ambao hawajaripoti shule waende shuleni mara moja  na amewataka kufanaya vikao shirikishi na wazazi au walezi ili kubaini changamoto zao.

Ametoa wito kwa wazazi na walezi kuhakikisha kila mtoto anapata chakula  awapo  shuleni ili kujenga afya ya  akili ya mwanafunzi  ambayo itawezesha kupanda kwa ufaulu  wa shule.

Kwa upande wa wajumbe wa kamati ya siasa Wilaya wakitoa maoni kuhusu miradi waliyotembelea ambapo wamewataka wataalamu kumalizia miradi ambayo haijakamilika pamoja  na kutekeleza maelekezo yaliyotolewa kuhusu miradi hiyo. 

IMEANDALIWA NA;

AMINA PILLY;

KITENGO CHA MAWASILIANO  SERIKALINI