KAMATI YA UONGOZI YAKAGUA BARABARA ZA MANISPAA

Tarehe ya kuwekwa: October 31st, 2017

KAMATI ya Fedha na Uongozi ya Baraza la Madiwani la Halmashauri ya Manispaa ya Songea Mkoa wa Ruvuma imefanya ziara ya kukagua na kufanya tathmini ya mradi wa Ujenzi wa barabara za mji wa Songea katika kiwango cha lami nzito zenye urefu wa kilometa 8.6.

Jumla ya sh.bilioni 14 zilizotolewa na Benki ya Dunia zinatarajiwa kutumika katika mradi huo. Mradi huo ulianza Juni 2015 na ulitarajiwa kukamilika Juni 30,2017.

Hata hivyo Manispaa ya Songea imevunja mkataba na Kampuni ya Lukolo baada ya muda wake wa Ujenzi kukamilika bila kumaliza kazi.

Kamati ya Fedha na Uongozi imeshauri katika mchakato wa kumpata Mkandarasi mpya, kuhakikisha anapatikana Mkandarasi mwenye sifa na uwezo wa kujenga barabara katika kiwango kinachokubalika na kumaliza kazi ndani ya Mkataba.

Taarifa imetolewa na Albano Midelo

Afisa Habari wa Manispaa ya Songea