kikao kazi cha madiwani kuelekea siku ya Mkutano wa Baraza la Madiwani

Tarehe ya kuwekwa: February 14th, 2023

Naibu Meya Manispaa ya Songea Jeremiah Milembe  ameongoza kikao kazi cha baraza la Madiwani kilichofanyika leo tarehe 14  Feruari  2023 katika ukumbi wa Manispaa ya Songea kilichohudhuriwa na wakuu wa Idara na vitengo, Watendaji wa  kata, kwa  lengo la kupokea taarifa na kuzijadili ili kutatua changamoto mbalimbali zinazozikabili kata kuelekea Mkutano wa Baraza la Madiwani litakalofanyika tarehe 16 Februari 2023.

Waheshimiwa Madiwani kwa nyakati  tofauti wametoa maoni yao kupitia kikao hicho ambapo wameipongeza  Halmashauri kuweka utaratibu wa kuanza kikao cha kazi  kwanza kabla ya  Mkutano wa Baraza la Madiwani ambao husomwa na kujadili  taarifa mbalimbali za kamati kudumu za Halmashauri.

Aidha kupitia kikao hicho zimejadiliwa  changamoto mbalimbali za kwenye kata na kutolewa majibu ya papo  kwa papo kutoka kwa wataalamu.

Imeandaliwa;

Amina Pilly;

Kitengo cha Mawasiliano Serikalini.