KILO 500 ZA MBEGU YA UFUTA ZAGAWIWA KWA WAKULIMA 77 WENYE EKARI 143

Tarehe ya kuwekwa: December 3rd, 2024

MKUU wa Wilaya ya Songea  Mheshimiwa Kapenjama Ndile amewataka wananchi kutoamini zao la kiuchumi kuwa ni zao la Mahindi pekee bali wafahamu kuwa kuna mazao mbadala ambayo yanaweza kuwainua kiuchumi  ikiwemo na zao la ufuta, na mazao mengine.

Alisema kwa mwaka 2024 Kimkoa  wameuza  ufuta  wenye thamani ya kiasi cha tani Bil 20 kiwilaya Mil 20 ambayo ni zaidi ya kilo 700 ambapo zao hilo linasoko kubwa katika nchi ya China, Irani na Uturuki.

Kauli hiyo imetolewa tarehe 02 Desemba 2024  wakati akizungumza na wakulima wa kata ya lilambo kwa lengo la kuhamasisha wakulima kulima zao la biashara nje ya zao la mahindi ili kuboresha kipato cha mkulima.

Akizungumza  Afisa Kilimo Manispaa ya Songea Zawadi Nguaro alisema Manispaa ya Songea imepokea kilo 500  sawa na tani 0.5 za ufuta kutoka Ofisi ya Mkuu wa Mkoa wa Ruvuma ikiwa ni makato ya mauzo ya  ufuta ya shilingi 25 kutoka kwa wakulima ambapo wakulima 77 wenye mashamba 143 watanufaika mbegu bila malipo yoyote.

Wakizungumza wakulima hao wameishukuru Serikali kwa kuwapatia mbegu hizo za ufuta ambapo wameahidi kulima kwa kufuata utaratibu wa kilimo bora.

IMEANDALIWA NA;

AMINA PILLY;

KITENGO CHA MAWASILIANO SERIKALINI.