KITUO KIPYA CHA MATIBABU "AFYA-POINT" KUANZA KUTOA HUDUMA YA MATIBABU YA FIGO.

Tarehe ya kuwekwa: January 25th, 2021

Magonjwa ya figo huchelewa  kuonesha dalili zake, wahi mapema kupima ili uijue afya yako.“afya yako ndiyo mtaji wako.”

Rai hiyo ilitolewa  katika kampeni ya uhamasishaji wa upimaji wa viashiria vya awali vya magonjwa ya figo, moyo, kisukari, na shinikizo la damu iliyofanyika kwa muda wa siku mbili kuanzia tarehe 22 hadi 23 januari 2021 huduma ambayo  iliyotolewa bure bila malipo yoyote iliyofanyika chini ya udhamini wa kituo cha matibabu AFYA-POINT ikilichopo mtaa Mfaranyaki karibu na kituo cha daladala Buhemba Manispaa ya Songea.

Mganga mkuu Manispaa ya Songea Amosi Mwenda akiongea kwaniaba ya Mkurugenzi wa Manispaa ya Songea, ambapo  alitamka kuwa  zoezi hilo  limekuja wakati muafaka na wametumia fursa hiyo ya kupima viashiria vya awali vya magonjwa ya Figo, Moyo, Kisukari na Shinikizo la damu kwa ajili ya kuwasaidia wananchi wenye matatizo kama hayo,  na baada ya kupata vipimo kama watakuwa wamepta matatizo hayo watapata ushauri wa kitabibu na namna ya kuishi.

 Halmashauri ya Manispaa ya Songea inatoa shukrani kwa Mkurugenzi wa kituo cha AFYA-POINT kwa kutoa huduma bure ya upimaji wa viashiria vya awali vya magonjwa ya Figo zoezi liliiofanywa na  Wataalamu wa afya wa manispaa ya Songea chini ya Daktari bingwa wa magonjwa ya Figo pia  kuunga mkono jitihada za Serikali kwa  kutoa huduma bora za Afya.           ” Mwenda alitamka”

Alitoa wito kwa wananchi wote kujitokeza kwenda kupima afya zao mara kwa mara ili waweze kuishi kwa kutambua zao. Kituo hicho ni kipya kinatarajia kuanza kufanya kazi ya kutoa huduma za matibabu hivi  karibuni.

Alifafanua kuwa,  miongoni mwa huduma itakayowapunguzia adha wagonjwa kusafiriri kwenda nje ya Mkoa  ambayo hivi kwa sasa itapatikana katika kituo hicho ni pamoja na huduma za kusafisha damu ambayo kitaalamu huitwa “HEMODIALYSIS”.

Naye Mkurugenzi wa kituo cha AFYA-POINT Octavian Kassanga amebainisha kuwa kituo hicho kitatoa huduma za matibabu  kufanya uzinduzi wa upimaji bure  wa figo, moyo, kisukari na shinikizo la damu bure, kwa lengo la kubaini viashiria vya awali vya magonjwa  ambayo yanaweza kuonekana kwa sasa au kujitokeza kwa baadaye.

Dr. Octaviani amesema kituo binafsi kimeweza kufadhili zoezi hilo  kwa lengo la kuunga mkono jitihada za Serikali  ili jamii iweze kubaini afya zao  pia wawaze  kujitambua kiafya kama wameathiriwa na maradhi hayo  ili waweze kwenda kupata tiba nje ya Songea au katika kituo hicho.

Awali kituo hicho kilianza kufanya kazi 01  Octoba 2020 kwa kutibu magonjwa ya figo, na kuanzia taehe 25 januari 2021 baada ya kutimiza vigezo na masharti kituo hicho kitaanza kutoa huduma za matibabu kwa magonjwa mbalimbali pamoja na huduma ya kupumzisha.

Alisema baada ya kubaini uwepo wa wagonjwa wengi kutoka Mkoa wa Ruvuma ili ya kuwaondolea adha ya umbali wa huduma inakopatikana aliona heri afungue kituo  cha tiba  Songea kwa ajili ya kuwasogezea huduma za upimaji wa Figo, moyo, kisukari na shinikizo la damu  ambapo alizindua huduma hiyo kwa kutoa vipimo bure kwa kila aliyefika kituoni hapo.

Katika kampeni hiyo ya upimaji iliyotolewa bure bila malipo kituoni hapo jumla ya watu 743 walipimwa na kati ya hao me 292na ke 451.

IMEANDALIWA NA;

AMINA PILLY;

AFISA HABARI MANISPAA YA SONGEA.

25.01.2021.