KIWANDA cha kukoboa mpunga Songea kilivyochangia kuongeza ajira

Tarehe ya kuwekwa: June 12th, 2018

KiWANDA hiki cha kukoboa Mpunga cha MWEMBERIDHIKI kilichopo Kata ya Misifuni Manispaa ya Songea mkoani Ruvuma, kilianza shughuli ya usindikaji wa Mpunga mnamo  Disemba, 2017. Gharama za ujenzi wa kiwanda hiki ni Shilingi milioni 106 na gharama ya ununuzi na ujenzi wa mitambo ni Shilingi milioni  36 hivyo kufanya jumla ya gharama za uanzishaji wa kiwanda hiki kuwa shilingi milioni  142 .

Mmiliki  wa kiwanda hiki ni Rashid Kangoma mkazi wa Wilaya ya Namtumbo,kiwanda hiki kimetoa ajira za kudumu kwa watu wawili  ambao wote ni wanaume na za muda mfupi kwa watu 22 ambao wanawake wanne  na wanaume 18. Mitambo na miundombinu iliyofungwa kwenye kiwanda hiki ina uwezo wa kukoboa Mpunga tani 24 kwa siku, lakini kwa sasa kinakoboa wastani wa tani tatuza Mpunga kwa siku. Kiwanda kinakoboa chini ya uwezo hii ni kutokana na upungufu wa upatikanaji wa malighafi ya mpunga.

Faida zinazopatikana kutokana na kiwanda hiki ni kama ifuatavyo;Kuongeza ajira katika Mkoa wa Ruvuma na watu kupata fursa ya kujiajiri wenyewe kwa kujikita katika kilimo cha mpunga kwani soko ni la uhakika,Upatikanaji wa soko la Mpunga la uhakika hivyo kuongeza kipato cha mkulima mmoja mmoja na hatimaye pato la Taifa,.Kuongeza pato la Taifa kwa kulipa kodi, leseni na ada ya TFDA,Upatikanaji wa Mchele safi na bora ikiwa mitambo ina uwezo wa kutenganisha mawe, chenga na uchafu.  

Imetolewa na Albano Midelo

Afisa Habari wa Manispaa ya Songea

Juni 12,2016