LUTENI Kanali Mstaafu aliyesoma na Idd Amini anaishi Songea

Tarehe ya kuwekwa: August 3rd, 2018

LUTENI  Kanali Mstaafu Daniel Gangisa  (86) ni mmoja wa mashujaa aliyeoongoza kumng'oa  Dikteta Idd Amin Dada katika ardhi ya Tanzania  hadi Uganda mwaka 1979.Gangisa ni Mstaafu wa JWTZ  ambaye anaishi katika kitongoji cha Chandarua Kata ya Mshangano Manispaa ya Songea Mkoa wa Ruvuma. Alijiunga na Jeshi la mkoloni mwaka  1947 baadaye mwaka 1950 alikwenda  kulinda kisiwa cha Mauritius  kilichopo katika Bahari ya Hindi. 

Gangisa anasema  mwaka 1952  alipelekwa katika kozi ya ukufunzi  katika Chuo cha Jeshi  cha East African Training Centre  kilichopo Nakuru nchini Kenya  ambapo katika kozi hiyo alisoma na Dikteta Idd Amin  kwa miaka mitatu kuanzia mwaka 1952 hadi 1954.Anasema Idd Amin  alikuwa rafiki yake mkubwa waliishi katika bweni moja na chumba kimoja.

Imeandaliwa na Albano Midelo

Afisa Habari Manispaa ya Songea

Agosti 3,2018