MADAKTARI BINGWA kutoa huduma za afya katika Kituo cha afya Mjimwema Songea

Tarehe ya kuwekwa: January 9th, 2020

Mkurugenzi Halmashauri ya Manispaa ya Songea anawatangazia wananchi wote kuwa kutakuwa na huduma ya afya itakayotolewa katika kituo cha Afya Mjimwema na  madaktari bingwa kutoka Hospitali ya Rufaa  ya Mkoa na Kituo cha Afya Mjimwema.

Madaktari bingwa hao ni wa magonjwa ya meno,macho,magonjwa ya akinamama,magonjwa ya upasuaji,magonjwa ya moyo na kisukari.

Wagonjwa  wote wenye uhitaji wa huduma hizo mnatangaziwa kufika katika Kituo cha afya Mjimwema kuanzia Januari 13 hadi 17,2020.Huduma zitatolewa kuanzia saa 2.00 asubuhi.

Hata hivyo kutakuwa na kuchangia gharama kidogo kwa wale wasio na Bima ya NHIF.

Uzinduzi huo  unatarajia kufanyika Jumatatu Januari 13,2020 ambapo mgeni rasmi anatarajiwa kuwa  Mkuu wa Wilaya ya Songea Mhe. Pololet Mgema.

Kupitia kampeni hiyo wananchi pia watapata fursa ya kupata elimu ya lishe ambayo itatolewa na  Afisa Lishe ambaye atatoa mlinganyo wa urefu na uzito wako na atakupa ushauri wa ulaji wa chakula unaofaa ili kuepuka magonjwa yasiyoambukiza.

Afya yako,ndiyo mtaji wako,wote mnakaribishwa