MADIWANI KUTOKA MANISPAA YA LINDI WATEMBELEA MIRADI MANISPAA YA SONGEA

Tarehe ya kuwekwa: December 22nd, 2023

Madiwani kutoka Manispaa ya Lindi Mjini wamefanya ziara ya siku tatu ya kutembelea miradi mbalimbali  Manispaa ya Songea kwa lengo la kujifunza namna wanavyoweza kufikia lengo la kiutendaji.

Akizungumza Mstahiki Meya Manispaa ya Lindi Frank Magari, alisema lengo la ziara hiyo ni kuja kujifunza namna ya uendeshaji wa machinjio ya kisasa ya  nyama ya ng'ombe, ujenzi wa shule ya English medium iliyojengwa kwa fedha za mapato ya ndani, usimamizi wa fedha za mikopo ya asilimia 10% na standi kuu ya mabasi Songea, pamoja na namna ya uendeshaji wa vikao vya baraza la madiwani  kwa muda mfupi.

Ziara hiyo imefanyika kuanzia tarehe 20 disemba hadi 23 disemba 2023.

IMEANDALIWA NA 

AMINA PILLY

KITENGO CHA MAWASILIANO SERIKALINI.