MAFUNZO YA MFUMO WA FFARS KUTOLEWA KWA MAAFISA WATENDAJI WA KATA NA MITAA.

Tarehe ya kuwekwa: September 21st, 2022

FFARS ( Facility Financial Account and  Report System )   ni Mfumo wa Uhasibu  na Utoaji  taarifa za Fedha kwa ngazi ya kituo cha kutolea huduma, ambao  unasaidia  kuleta  Uwazi na Uwajibikaji na unawezesha utoaji wa  taarifa za mapokezi ya fedha, matumizi, na malipo mbalimbali yaliyofanyika  kwa kuzingatia sheria na taratibu za manunuzi.

Mfumo wa FFARS unasaidia kufahamu kiasi cha fedha  kilichopokelewa, chanzo cha fedha na namna fedha hizo zitakavyotumika katika kufikia lengo lililowekwa la mradi husika ambao unajikita  katika utunzaji  wa vyanzo vya fedha, kwa kutoa taarifa sahihi  ya fedha zote zinazoingia na zinavyotumika.

Mfumo wa FFARS unasaidia kuweka mazingira mazuri kwa wananchi kwa kuwajengea  Imani kwa taasis na Serikali yao kwakuwa inawezesha kufanikiwa kwa kutoa maamuzi sahihi ya matumizi ya fedha za miradi inayotekelezwa ngazi ya jamii.

Katika kufanikisha utekelezaji na usimamizi wa miradi ya maendeleo ngazi ya  kata, na Mitaa, Halmashauri ya Manispaa ya Songea inaendelea  kutoa  mafunzo ya matumizi ya Mfumo wa FFARS kwa Maafisa watendaji wa Kata na Mitaa yanayofanyika kwa muda wa siku 2 kuanzia tarehe 21/09 – 22/09/2022  katika ukumbi wa Manispaa ya Songea  yanayoendeshwa na  wataalam wa TEHAMA.

Afisa TEHAMA Manispaa ya Songea Mvano Mbalale amewataka Maafisa Watendaji wa Mitaa na Kata  kutumia Mfumo wa FFARS ambao unasaidia kutoa picha kamili ya kiasi cha fedha kilichopokelewa na unahakikisha kuwa fedha zinadhibitiwa  vyema sambamba matumizi sahihi yaliyokusudiwa katika mradi  husika.

 Aliongeza kuwa Mfumo wa FFARS  umetengenezwa ili kusaidia kutoa majibu  sahihi ya mahitaji ya fedha kupitia Mfumo  ulioboreshwa katika taasisi au watoa huduma ambao wamekuwa wakitumia mifumo hiyo ambayo imekuwa muhimu katika kutekeleza miradi ngazi ya jamii  tofauti  na mfumo uliokuwa ukitumika  hapo awali

Washiriki wa mafunzo hayo wamesema kuwa wanaipongeza Serikali ya Jamhuri ya Muungano wa Tanzania inayoongozwa na Rais Samia Suluhu Hassani kwa kuwajengea uwezo wa matumizi sahihi ya Mfumo wa uhasibu na utoaji wa taarifa za fedha  FFARS ambao utawasaidia kufanya kazi kwa weredi  mkubwa na kuondoa  mianya ya Rushwa katika mazingira ya kazi. “Walipongeza”

Imeandaliwa na

AMINA PILLY