MANISPAA ya Songea yapokea milioni 616 za elimu bila malipo

Tarehe ya kuwekwa: September 10th, 2018

 KUPITIA Mpango wa Elimu bila malipo katika shule za msingi za Halmashauri ya Manispaa ya Songea kwa mwaka wa fedha 2016/2017 imepokea zaidi ya milioni  616.812  na Kwa mwaka wa fedha 2017/2018 Halmashauri hadi kufikia Juni imepokea zaidi ya  613. 

Upatikanaji wa fedha hizi umeboresha miundombinu ya madarasa, vyoo, samani, upatikanaji wa vifaa vya kujifunzia na kufundishia mashuleni na hivyo kufanya kazi ya ufundishaji kuwa rahisi kwa Walimu sawa na asilimia  100 ya utekelezaji wa fedha zilizopokelewa za Elimu Bila malipo.

 Kutokana na ongezeko la usajili wa wanafunzi kwa sasa halmashauri ina upungufu wa madawati 1002. Hata hivyo ili kukabili upungufu huo kwa mwaka huu wa fedha 2018/2019 Halmashauri imetenga zaidi ya shilingi milioni  35.569 Kwa ajili ya kutengeneza madawati 547.

 Manispaa ya Songea kwa mwaka wa fedha  2016/2017 na 2017/2018 imepokea fedha ya mradi wa Lipa kulingana na matokeo (P4R) jumla ya shilingi milioni 415,100,000.00.Kutokana na Mpango wa elimu bure,ufaulu wa wanafunzi kwa darasa la saba umetoka asilimia 64.4 mwaka 2015 na kufikia asilimia 76.5 mwaka 2017. 

Hata hivyo taarifa ya Idara ya Elimu Msingi Katika mwaka 2018 inaonesha kuwa  jumla ya wanafunzi wawili walibainika na kuripotiwa  kuwa na mimba na kwamba  hali ya utoro imepungua kutoka asilimia 0.5 mwaka 2016 hadi asilimia 0.4 mwaka 2017

Halmashauri ya Manispaa ya Songea  ina jumla ya Shule za Msingi 89 na Madarasa ya Awali 89 ambayo yapo katika kila Shule ya Msingi. Shule hizi zina darasa la Awali  hadi darasa la saba zikiwa  na jumla ya wanafunzi 54131 kati yao  wavulana 26,785 wasichana 27,346.

Imetolewa na Albano Midelo

Afisa Habari Manispaa ya Songea

Septemba 10,2018