MBEGA adimu Duniani waonekana mkoani Ruvuma

Tarehe ya kuwekwa: February 26th, 2019

MBEGA adimu duniani ambao kitaalam  wanaitwa Black  and white colubus   wameonekana wiki hii kwenye misitu ya Kilangajuu  wilayani Mbinga Mkoa wa Ruvuma, wanyama hao ambao katika ukanda wa kusini wanapatikana wilayani Mbinga Mkoa  wa Ruvuma wameshuhudiwa  na Mhifadhi Mstaafu wa Wizara ya Maliasili na utalii  Ngwatura Ndunguru ( pichani aliyeshika kiona mbali)ambaye pia ni mkazi wa Kijiji cha Kilangajuu. Wanyama hao wanapatikana kaskazini mwa Tanzania katika Hifadhi ya Taifa ya Arusha.Katika wilaya ya Mbinga wanyama hao walikuwa wanapatikana katika msitu wa Liwilikitesa,hata hivyo kutokana na wawindaji kuwashambulia, wanyama hao wapo katika hatari ya kutoweka. Ndunguru anasema aliwaona wanyama hao mara ya mwisho katika msitu wa Liwilikitesa  mwaka 1973 akiwa Afisa wanyamapori wa Mkoa wa Ruvuma .Anasema tangu mwaka 1973,,licha ya kuwatafuta kwa miaka mingi, ndiyo amebahatika kuwaona  wanyama hao mwaka huu.Ni vema Idara ya Maliasili na utalii  kufanya utafiti ili kubaini idadi kamili ya wanyama hao ambao  wapo katika hatari ya kutoweka Duniani.Mnyama huyo ambaye anaponzwa na uzuri wa sura yake ana tabia ya kuzaa mtoto mmoja.