MH. DIWANI WA KATA YA BOMBAMBILI NA WANANCHI WAKE KUSHIRIKI MAOMBOLEZO.

Tarehe ya kuwekwa: March 26th, 2021

Naibu Meya manispaa ya Songea Jeremia Mirembe ambaye pia ni Diwani wa kata ya Bombambili ameungana na wananchi wa kata  ya Bombambili  katika kufanya  maombolezo ya kifo cha Rais Dkt.  John Pombe Magufuli  ambaye alifariki tarehe 17.03.2021 na kuzikwa 26/03/2021 Chato Mkoani Geita.

Jeremia amefanya maombolezo hayo leo 26.03,2021  katika ukumbi wa ofisi ya kata Bombambili yaliyohudhuriwa na wananchi mbalimbali, viongozi wa vyama vya siasa  kata/ wilaya  na vongozi wa dini kwa lengo la kuunga mkono maombolezo ya kifo cha Rais Dkt. John pombe Magufuli.

 Jeremia alisema Kifo cha Rais Dkt. John Pombe Magufuli ni pigo kubwa kwa Taifa letu kutokana na mambo mengi mazuri  aliyoyafanya katika kipindi  cha uongozi wake ikiwemo na kutuunganisha kuwa kitu kimoja.

Alisema amefunga luninga hiyo ukumbini hapo kwa lengo la kuwasaidia wananchi wenye mapenzi mema ambao wanahitaji kuangalia luniga ili waweze kushiriki mazishi kama chato.

Amewata wananchi hao kuendelea kufanya maombolezo kwa kupitia  jumuyia za dini mbalimabli  au  nyumba za ibada ili kumuombea kiongozi wetu jemedali, na  mtetezi wa wananchi wanyonge.

Naye mwenyekiti wa CCM kata Bombambili Omary Nchimbi amewataka wananchi kulinda na kutunza yale yote yaliyofanywa na kiongozi huyo na pia na  iwe mfano wa kuigwa.

Naye mwenyekiti wa UVCCM Songea mjini Kelvini K. Chale alisema hayati Rais  Dkt. John Pombe Magufuli  alikuwa kiongozi mpenda haki, muwazi, mchapakazi, mtetezi wa wanyonge na alichukia ufisadi.

Nao wananchi wa kata ya Bombambili wakizungumza kwa wakati tofauti ambapo  walisema hayati Dkt. John Pombe Magufuli atakumbukwa kwa mambo mengi mazuri   kama kupokea kero na kuzitolea ufumbuzi hapohapo, ujenzi wa barabara iendayo bombambili -  mwembechai ambayo imekamilika na inatumika.

iMEANDALIWA 

AMINA PILLY.                                                                                                                    

AFISA HABARI MANISPAA YA SONGEA.    

26.03.2021