MH.ISSA MKWAWA DIWANI KATA YA MATOGORO MANISPAA YA SONGEA, ATOA ZAIDI YA TSH. 1,200,000 MOTISHA KWA WALIMU NA WANAFUNZI.

Tarehe ya kuwekwa: March 8th, 2021

Diwani wa kata ya Matogoro  Issa S.Mkwawa amefanya tafrija fupi ya kuwapongeza walimu wote wa  shule zilizopo katika kata Ya Matogoro  kwa kufaulisha  mtihani wa darasa la saba pamoja na mtihani wa  kidato cha nne 2020.

Mkwawa ametoa pongezi hizo kwa shule za Msingi tatu na Sekondari 2,( Shule ya Msingi Matogoro, Shule ya Msingi Chemchem, Shule ya Msingi Mahilo, Kalembo Sekondari, na Matogoro Sekondari)  kwa lengo la kuwatia moyo  Walimu ambao wamefaulisha vizuri masomo yao  ili waweze kuongeza bidii katika kutekeleza wajibu wao. Tafrija hiyo  ilifanyika tarehe 05/03/2021 katika ukumbi wa chuo cha walimu songea.

Miongoni mwa zawadi zilizotolewa nipamoja na   sukari kilo 10 kwa kila shule, fedha shilingi 40,000/= kwa kila mwalimu aliyefaulisha  vizuri katika masomo, zawadi kwa wanafunzi waliofaulu  daraja la kwanza,na  la pili pamoja na fedha  shilingi 1,200,000 zimetolewa  kwa ajili kulipa  walimu  wawili wa  wahesabu watakao jitolea kufundisha hesabu  kwa muda wa miezi sita kwa sekondari ya Kalembo na Matogoro.

Alisema baada ya kubaini kuwepo kwa changamoto za ukosefu wa walimu wa hisabati wakati Serikali ikifanya utaratibu wa kutatua changamoto hiyo, Kiongozi huyo makini aliamua kulipa kiasi hicho cha fedha shilingi laki sita kila sekondari kwa ajili ya malipo ya mwalimu atakayejitolea kufundisha wanafunzi shule ya kalembo na matogoro.

Aliongeza kuwa kilichomvutia ni kuona shule za kata  zinafanya vizuri kwa baadhi ya wanafunzi kfaulu dalaja la juu hatimaye  kushika nafasi ya 18 na 19 Kiwilaya kati ya  shule 36  zilizofanya mtihani wa kidato cha nne  mwaka 2020.  

Alibainisha kuwa Kata ya Matogoro imejipanga vizuri katika kutekeleza ILANI ya Chama Cha Mapinduzi kwa kuanza  kutatua changamoto mbalimbali zinazowakabili wananchi ikiwemo na  miundombinu ya shule, vivuko, zahanati na majengo ya kiutawala  kwa kuwashirikisha wananchi/wadau mbalimbali ili kufikia malengo yaliyokusudiwa pamoja na kuweka mpango shirikishi jamii kwa wananchi wenyewe wa kuibua  miradi kipaumbele.

Mkwawa alisema hadi hivi sasa kata hiyo imeshajenga nyumba ya Mganga moja  ambayo ipo hatua ya ukamilishaji ambayo imejengwa kwa nguvu za wananchi  katika Zahanati ya Mahilo, pamoja na ujenzi wa ofisi ya Mtaa Mkwawa ambayo ipo hatua ya Renta ambayo imejengwa kwa nguvu za wananchi.

Alitoa rai kwa wananchi, wazazi  na kamati za shule kuendelea kutoa ushirikiano  kwa walimu ili kuleta maendeleo mazuri ya wananfunzi. Ameahidi kuendelea kutoa zawadi kwa shule zake zote ndani ya kata hiyo kila mwaka ili kuwatia moyo walimu   kwa kufanya kazi vizuri.

IMEANDALIWA NA;

AMINA PILLY;

AFISA HABARI MANISPAA YA SONGEA.

08 MACHI 2021.