MIL 45 ZATOLEWA MIKOPO KWA VIKUNDI VYA WANAWAKE, VIJANA, NA MAKUNDI MAALMU MANISPAA YA SONGEA.

Tarehe ya kuwekwa: June 8th, 2020

Mkuu wa Wilaya ya Songea Pololet Kamando Mgema amewaasa Wajasiliamali wadogo kutumia mikopo yao Vizuri ili  kuinua mitaji ya Biashara zao pamoja na  kukuza kipato.

Pololet amesema hayo katika kikao cha  Wanavikundi Wajasiliamali Wanawake, Vijana, pamoja na Makundi Maalum katika zoezi la Ugawaji wa Mikopo kwa Vikundi 26  kilichofanyika katika Ukumbi wa Manispaa ya Songea leo 08/06/2020.

Alisema”Lengo la kugawa Mikopo Tsh 45 mil  kwa Wanavikundi  ni kuwajengea Uwezo wa kufanya shughuli za Ujasilimali na kuinua kipato cha jamii ya Manispaa ya Songea. Aliongeza kuwa Mkopo huo ni Fedha  Asilimia 10%  ya Makusanyo ya mapato ya ndani  kwa mchanganuo wa  4% Wanawake, 4% Vijana, 2% makundi maalum.”

Awali fedha hizo zilikuwa zikitolewa kila baada ya miezi mitatu, lakini kuanzia sasa Manispaa ya Songea itaendelea kutoa Mikopo kwa wanavikundi kila Mwezi, hivyo nilazima zirudishwe fedha hizo kwa wakati ili waweze kukopeshwa wanavikundi wengine wenye sifa.

Alifafanua kuwa” Mikopo inayotolewa na Halmashauri ya Manispaa ya Songea  kwa Vikundi haina Riba, Hivyo mnapaswa kufanya marejesho kwa wakati ili muwezez kukopeshwa tena. Alisema hatutaki Wajasiliamali ambao hawabadiliki kiuchumi bali tunahitaji Wajasiliamali ambao wataleta mabadiliko  Kiuchumi.” Alisisitiza.

Alisema Mikopo kwa Vikundi ni Bora kuliko Mkopo  wa mtu mmoja mmoja kwasababu vikundi husaidia kushirikiana kimawazo, kupeana uzoefu na kujenga uaminifu.

Naye Mkurugenzi Manispaa ya Songea Tina Sekambo akiwakilishwa na Afisa Maendeleo ya Jamii manispaa ya Songea Judith Ngowe alisema “ Chanagamoto kubwa inatokana na baadhi ya wanakikundi kutorejesha Mikopo kwa wakati. Hata hivyo, alibainisha baadhi ya mikakati waliyojiwekea ili kukabiliana na changamoto hiyo ni pamaoja na  kuwachukulia hatua za kisheria wale wote wasiorejesha Mikopo hiyo.

IMEANDALIWA NA; 

AMINA PILLY

KAIMU AFISA HABARI MANISPAA YA SONGEA.