MKOA WA RUVUMA KUTOA MAFUNZO KWA WATAALAMU WA AFYA KUPAMBANA NA CORONA.

Tarehe ya kuwekwa: September 25th, 2021

Na.  AMINA  PILLY

AFISA HABARI MANISPAA YA SONGEA.

‘’Wananchi hawana taarifa sahihi kuhusu chanjo ndio maana mwamko wa wananchi katika swala la kuchanja ni dogo hivyo tunatakiwa kuimarisha dhana ya mawasiliano na kuwafanya wananchi wengi waweze kupata tarifa sahihi na kubadilisha fikra potofu walizonazo  na wakubali kuchanja”

Hayo yamebainishwa na Mganga mkuu wa mkoa wa Ruvuma Dkt Jairy Khanga wakati akifungua  mafunzo kwa timu ya wataalamu wa afya Mkoani Ruvuma inayohusu  utoaji wa  huduma za chanjo kwa wananchi kwa lengo la kufanya   uhamasishaji  wa chanjo  na kutoa elimu kwa wananc

DKT. Khanga  amewataka washiriki wa mafunzo hayo kuwa wasikivu wakati wa mafunzo  yayonaendelea kutolewa katika ukumbi wa Manispaa ya Songea kuanzia jana 24-25/9/2021 kwa wataalamu wa afya kutoka  katika Halmashauri za wilaya zote za mkoa wa Ruvuma kwa lengo la kuwajengea uwezo namna ya kuhamasisha jamii na utoaji wa huduma ya chanjo.

Alisema Serikali ya Jamhuri ya Muungano wa Tanzania ilipokea chanjo 1,058,400 kitaifa,  ambapo zoezi hilo la utaji chanjo  lilizinduliwa kitaifa tarehe 07 julai Jumla ya wananchi 27 mwezi julai 2021, ambapo Mkoa wa Ruvuma ulipokea chanjo 30,000 na hadi hivi sasa kwa kushirikiana na Boresha afya wameweza kufanikiwa kuchanja chanjo  7826.

Aliongeza Mkoa wa Ruvuma ulianza kutoa chanjo tarehe 03 agost 2021 huku kukiwa na vituo maalumu  vya kutolea huduma  za chanjo 23 lakini kupitia huduma  Mpango Shirikishi na Harakishi umekwenda kuboresha Zaidi na kuhamasisha jamii kupata chanjo ambapo kwa sasa Mkoa wa Ruvuma  umeongeza vituo 200 kwa kutoa huduma ya chanjo.

Naye kiongozi wa timu ya kitaifa ya chanjo katika mkoa wa Ruvuma  William Reuben amewataka washiriki wa mafunzo kuleta matokeo chanya  katika kazi watakazotakiwa kwenda kuzifanya ili kutekeleza lengo la saerikali la kuhakikisha wananchi wake wanapata chanjo .

   Mpango shirikishi na Harakishi

JIKINGE, IKINGE NA JAMII INAYOKUZUNGUKA.