Mkuu wa Wilaya ya Songea ahamasisha wananchi kufanya mazoezi

Tarehe ya kuwekwa: August 7th, 2022

NA;

AMINA PILLY

AFISA HABARI 

MANISPAA YA SONGEA.

07.08.2022

Mkuu wa Wilaya  ya Songea Pololet Kamando Mgema amewataka wananchi kufanya  mazoezi kila siku kwa lengo  la kulinda afya za mwili.

Akizungumza na wananchi katika  ofisi ya Mkuu wa Wilaya ya Songea ambapo alisema lengo kuu la kufanya mazoezi ni kulinda afya ya mwili ikiwa  mazoezi ni tiba ya  magonjwa katika mwili wa binadamu.

Hayo yamebainishwa jana tarehe 06.08.2022 katika ofisi ya mkuu wa Wilaya  na kuhudhuriwa na wananchi, watumishi kwa lengo la kuhamasisha chanjo ya UVIKO 19 na  kuunga mkono jitihada za Rais wa Jamhuri ya Muungano wa Tanzania Mheshimiwa Samia Suluhu Hassan  katika kupambana na UVIKO 19.

Aliongeza kuwa tarehe 23.08.2022 ni siku ya SENSA ya watu na Makazi hivyo amewataka wananchi kutoa ushirikiano kwa makarani watakaokuwa wanapita kwenye kaya mbalimbali  ili kuwezesha Serikali kupata takwimu sahihi za wananchi.

Naye Mganga Mkuu Hospitali ya Mkoa wa Ruvuma Dkt. Luis Chomboko alieleza kuwa lengo kuu la kufanya mazoezi ni kujenga afya ya mwili na kuhamasisha jamii ijitokeze  kuchanja chanjo ya UVIKO 19 ambapo zoezi hilo linaendelea kufanyika katika uwanja wa Maji maji ikiwa ni mwendelezo wa  uzinduzi wa kampeni ya Mziki Mnene ambapo hadi hivi sasa Mkoa wa Ruvuma umechanja chanjo ya UVIKO 19  zaidi ya 70%.

MWISHO