MKUU WA WILAYA YA SONGEA AMEWATAKA WANANCHI KUDUMISHA AMANI

Tarehe ya kuwekwa: April 26th, 2025

Mkuu wa Wilaya ya Songea Kapenjama Ndile, amewataka watanzania kuendelea kuenzi  muungano wetu na kudumisha amani huku akisisitiza kuwa matokeo ya jitihada  za waasisi wa Taifa la Tanzania hazipaswi kupuuzwa.

 Hayo yamejiri wakati wa sherehe za maadhimisho ya miaka 61 ya muungano katika Wialaya ya Songea yaliyofanyika katika viunga vya ofisi ya Mkuu wa Wilaya ya Songea ambapo yamehudhuriwa na wananchi mbalimbali, wazee, jeshi la polisi na wadau wa Mbalimbali kwa lengo la kudumisha na kuenzi  muungano wa Tanganyika na Zanzibar ambayo yalianza kwa kufanya usafi, kupanda miti pamoja na matembezi ya amani.

Ndile alisema, nchi nyingi duniani zimesamabaratika kutokana na kukosekana kwa mshikamano, huku akiwataka watanzania kuendelea kuwa na umoja na kulinda muungano na hatimaye kuwa mfano wa kuigwa kwa kuwa wamoja licha ya tofauti zao, ambapo  alieleza kuwa jukumu la kulinda muungano ni lakila mmoja. "Alibainisha."

Alihimiza umuhimu wa mazoezi ya mwili kama sehemu ya kujenga afya kwa watanzania nakuwa na jamii imara pia akisisitiza  wananchi kuanza kufanya mazoezi ya kila wiki ili kupunguza gharama za tiba  na kujenga ustawi wa maisha ya jamii.

Aliongeza kuwa viongozi wa taasisi zote  kuendeleza mshikamano na kushiriki shughuli mbalimbali za kijamii ili kuimarisha amani,na mshikamano kwa maendeleo ya kizazi cha sasa na kijacho.

Mwisho.

Imeandaliwa na;

Amina Pilly

Kitengo cha mawasiliano Serikalini