MKUU WA WILAYA YA SONGEA AMEWATAKA WANANCHI KUTUNZA VYANZO VYA MAJI

Tarehe ya kuwekwa: April 6th, 2022

Na;

AMINA PILLY;

AFISA HABARI 

MANISPAA YA SONGEA.

Mkuu wa Wilaya ya Songea Pololet Kamando Mgema, amewataka Wananchi wa Manispaa ya Songea kufuata sheria ya Mazingira namba 20 ya mwaka  2004 ambayo inasisitiza kuwa  kutoka  kwenye kingo za Mito  kwa  pande zote mbili hadi mita 60 ni   vyanzo  vya maji.

Kauli hiyo imeelezwa leo tarehe 06.04.2022 wakati akizungumza na Wananchi wa Manispaa ya Songea akiwa katika hatua ya  utekelezaji wa zoezi la upandaji wa miti katika Bonde la Mto Ruhila lililopo kata ya Seedfarm  kwa lengo la kutunza chanzo cha Maji Ruhila ( SOWASA) lililoshirikisha wanafunzi, Waheshimiwa Madiwani, Wataalamu na wananchi.

Pololet alisema “ awali maeneo hayo yalikuwa ni sehemu ya shughuli za kibinadamu pamoja na makazi ya watu,  baadae Serikali ilitoa shilingi Bilioni 1.9 kulipa fidia kwa wananchi wa eneo  la Mabonde kama Mahilo, Chemchem, pamoja na Ruhila  ili kutunza uoto wa asili wa mazingira ya chanzo cha Maji Ruhila.”

Aliongeza kuwa baada ya kuwaondoa wananchi hao, amezitaka  Mamlaka husika kama SOWASA, TFS, pamoja na Idara ya Maliasili kutekeleza wajibu wao  kwa kuweka ulinzi imara wa maeneo  kwa kuweka mipaka inayoonekana,  pia alama hizo zitumike kama katazo la mtu yeyote  kuzivuka na kwenda  kufanya  shughuli za kibinadamu ndani ya eneo linalohifadhiwa.  

Amewarai wananchi wa Manispaa ya Songea hususani waishio jirani na Bonde la la Mto Ruhila  ikiwemo na shule ya Wavulana ya Songea ambayo ipo jirani na bonde hilo kuhakikisha wanaimarisha ulinzi  katika kunza chanzo hicho kwa manufaa ya jamii yote ya Songea.

Amempongeza Waziri wa Sheria na Katiba ambaye pia ni Mh. Mbunge wa jimbo la Songea Mjini pamoja na Naibu Waziri wa Maliasili na Utalii Mh. Mary Massanja kwa kuwatia moyo wananfunzi wa shule ya Sekondari  ya Wavulana Songea kwa kuanzisha vikundi vya utunzaji wa vitalu vya miti ambapo vikundi hivyo vimeweza kuatika miche ya miti   elfu hamsini 50,000 ambayo imetumika kupandwa katika bonde la mto Ruhila. Pololet “ alipongeza”

Amemtaka  Mkurugenzi wa Manispaa ya Songea kushirikiana  na  Taasis mbalimbali kama TFS, na Idara ya Maliasili ambayo ipo chini ya Halmashauri,  kuhakikisha wanaotesha miche ya miti na kuweka Mpango thabiti kwa kila mkuu wa Idara aweze kupewa kata kwa kushirikisha   waheshimiwa Madiwani wa kata husika  kuhakikisha upandaji wa miti unafanyika samabamba na kutunza miti hiyo. Alisisitiza.

Naye Mstahiki Meya Manispaa ya Songea Michael Mbano, amewataka wananchi wote wa Manispaa ya Songea kuhakikisha wanapanda miti aina ya miparachichi ambayo itasaidia kuinua kipato cha familia.

Afisa Misitu Manispaa ya Songea Godfrey Luhimbo, amesema miti iliyopandwa katika chanzo cha Maji Ruhila itasaidia kuweka mazingira mazuri ambayo yataweza kuimarisha uoto wa asili, ikiwa katika zoezi hilo   miti aina ya Minyonyo 3000  imepandwa.

Nao wanafunzi wa Shule ya Wavulana Songea kwa umoja wao wamesema wataitunza miti hiyo kwa kuhakikisha  isiweze kuungua  moto kwa manufaa ya jamii ijayo.

Mwisho.