MKUU wa Wilaya ya Songea amewataka wataalamu kukamilisha Miradi ya BOOST kabla ya 30 Juni 2023

Tarehe ya kuwekwa: June 6th, 2023

Mkuu wa Wilaya ya Songea Kapenjama Ndile amewataka Walimu wa kuu na Maafisa watendaji kusimamia miradi ya BOOST  na kuhakikisha inakamilika ifikapo juni 30 2023 ambayo inajengwa katika  shule saba 7 za Msingi kwa lengo la kuboresha miundo mbinu ya kusomea na kujifunzia ya Elimu Msingi na awali.

 Hayo yamejili katika ziara ya Mkuu wa Wilaya iliyofanyika kwa siku moja kwa lengo la kukagua hatua mbalimbali za utekelezaji wa miradi ya BOOST ambayo inatekelezwa katika shule ya msingi Kipera, Shule ya Msingi Mbulani, Shule ya Msingi Ruhuwiko, Shule ya Msingi Matogoro, Shule ya Msingi Mkuzo, Shule ya Msingi Amani, Shule ya Msingi Bombambili.

Mhe. Ndile alisema Manispaa ya Songea imepokea Mil. 893 kwa ajili ya kujenga vyumba vya madarasa na matundu ya vyoo ikiwemo na ujenzi wa shule mpya hivyo amewataka wataalamu  hao kuwajibika ipasavyo ili kuhakikisha miradi yote inakamilika kwa wakati.

IMEANDALIWA NA;                                                                  

AMINA PILLY;

KITENGO CHA MAWASILIANO SERIKALINI.