MNDEME azindua kongamano la wanawake kanda ya kusini

Tarehe ya kuwekwa: February 20th, 2020

Kongamano hilo limefanyika jana 19/02/2020   katika ukumbi wa Familia Takatifu uliopo Kata ya Bombambili Manispaa ya Songea;

Mgeni Rasmi katika Kongamano la wanawake Kanda ya Kusini  alikuwa  Mkuu Mkuu wa Mkoa wa Ruvuma  Christina Mndeme ambaye aliwakilishwa na  Mkuu wa Wilaya ya Nyasa bi  Isabela Chilumba.

 Mndeme alizitaja shughuli zitakazoambatana na maadhimisho ya mwaka huu ni pamoja na makongamano katika kanda saba, misafara ya kijinsia ambapo alisema wakati wa misafara Makongamano  ya kikanda yamebeba  jumbe mbalimbali za kuhamasisha wanawake na jamii kwa ujumla  katika kufikia Maendeleo endelevu.

“ Lengo la kongamano ni pamoja na kujadili hali ya Elimu katika Kanda ya Kusini na umuhimu wake katika Maendeleo , fursa za Uongozi kwa Wanawake pamoja na hali ya ukatili wa kijinsia katika jamii yetu ambapo washiriki watapata fursa ya kutoa michango yao na kupanga mikakati katika kufikia maendeleo ya jamii endelevu na Taifa kwa ujumla.”,alisisitiza.

Kongamano hili linafanyika katika Kanda saba ikiwemo Kanda ya Kusini ambayo inajumuisha mikoa ya Ruvuma,Lindi  na Mtwara ambapo kitaifa kilele cha maadhimisho ya siku ya wanawake duniani kitafanyika mkoani Simiyu Machi 8,2020.

UJUMBE WA KONGAMANO “ Wanawake  na  fursa za Uongozi ,”Ukatili wakijinsia na changamoto zake katika Maendeleo”.

                                               IMEANDALIWA NA ;

                                                      AMINA PILLY.

                                   AFISA HABARI MANISPAA YA SONGEA.