MRADI wa Kituo cha Afya Kata ya Ruvuma wafikia zaidi ya asilimia 90

Tarehe ya kuwekwa: June 3rd, 2019

MRADI wa ujenzi wa kituo cha afya Kata ya Ruvuma Manispaa ya Songea mkoani Ruvuma ambacho serikali imetoa shilingi milioni 400 unatarajia kukamilika wakati wowote baada ya ujenzi wake kufikia zaidi ya asilimia 90.

Kituo hicho kikikamilika kinatarajia kutoa huduma kwa wakazi zaidi ya 45,000  wanaoishi katika kata za Ruvuma,Subira,Mateka na majengo.

Mhandisi wa Ujenzi wa Halmashauri  ya Manispaa ya Songea Mhandisi Karoline Bernad  amesema ujenzi unaendelea vizuri ambapo hadi sasa majengo yote  manne yameezekwa na kazi ya kukamilisha inaendelea.

Kulingana na Mhandisi huyo majengo ambayo yameezekwa katika mradi huo ni wodi ya mama na mtoto,jengo la upasuaji na jengo la huduma kwa watu  wa nje na jengo la maabara.