MRADI wa maji Ruhila kati wakamilika kunufaisha wakazi 941

Tarehe ya kuwekwa: June 27th, 2019

MRADI wa maji katika Mtaa wa Ruhila kati Kata ya Mwengemshindo Manispaa ya Songea mkoani Ruvuma umekamilika na unatarajia kukabidhiwa kwa wananchi wa Mtaa huo Julai Mwaka huu.Mradi huo ambao umegharimu shilingi milioni 490.2 unatarajia kunufaisha wakazi 941 wa Mtaa wa Luhirakati.

Mradi wa maji Luhirakati ulianza kujengwa katika mwaka wa fedha wa 2016/2017 Mkandarasi akiwa ni Berasi Investiment ambao umetekelezwa kupitia programu ya maji na usafi wa mazingira vijijini .Miongoni mwa kazi zilizofanyika katika utekelezaji wa mradi huo ni ujenzi wa tanki la lita 25,000 na ujenzi wa vituo 16 vya kuchotea maji.