MSTAHIKI MEYA MANISPAA YA SONGEA AMEWATAKA WAMACHINGA WOTE KUHAMIA KWENYE MAENEO RASMI YALIYOTENGWA IFIKAPO 31.03.2022

Tarehe ya kuwekwa: March 29th, 2022

Imeandaliwa na;

 AMINA PILLY;

 AFISA HABARI,

 MANISPAA YA SONGEA.

Mstahiki Meya Manispaa ya Songea Michael Mbano amewataka wajasiliamali wadogowadogo wote maarufu kama machinga ambao  wanaendesha biashara zao katika maeneo yasiyorasmi wanatakiwa kuhama  kwenye maeneo hayo na kisha  kuhamia kwenye  maeneo yaliyotengwa rasmi  kwa ajili ya biashara za wamachinga ifikapo tarehe 31 Machi 2022.

Hayo yamebainika katika kikao na Waandishi wa habari kilichofanyika katika ukumbi wa Manispaa ya Songea leo tarehe 29 machi 2022  kwa lengo la kueleza au kutangaza mafanikio ya utekelezaji wa Shughuli mbalimbali za Serikali katika kipindi cha januari hadi Machi 2022.

Mbano alianza kwa kutoa shukrani kwa Mheshimiwa Rais Samia Suluhu Hassan Rais  wa Jamhuri ya Muungano wa Tanzania kwa kutoa fedha Bilioni 8.9 kwa ajili ya utekelezaji wa  miradi ya maendeleo katika   Halmashauri ya Manispaa ya Songea ambapo fedha hizo zimesaidia katika kujenga daraja BP Stesheni, Barabara ya kiwango cha  lami  kutoka BP Stesheni hadi Sanga one kwa thamani ya shilingi Milioni 500, Barabara ya Seedfarm  kilometa  (1) moja kwa thamani ya shilingi milioni 400,  pamoja na uchongaji wa barabara ya Nonga nonga hadi  kata ya Tanga kwa thamani ya shilingi million 400. 

Akizungumza na waandishi wa habari ambapo alisema “kwa awamu nyingine Manispaa ya Songea imepokea kiasi cha shilingi milioni 200 kwa ajili ya kurekebisha miundombinu ya barabara  ikiwemo na ujenzi mpya wa daraja la Misufini  - matarawe ambapo ujenzi huo  utaanza mara baada ya kumalizika nyakati za masika ya mvua. Mbano “alibainisha.”

Aidha, Katika kutekeleza miradi ya Afya Manispaa ya Songea kupitia mapato yake ya  ndani Manispaa ya Songea,  imetenga kiasi cha shilingi milioni 500 kwa ajili ya ujenzi wa kituo cha afya  Lilambo ambacho kipo hatua ukamilishaji, piatumepokea fedha Milioni 500 kutoka Serikali kuu kwa ajili ya  ujenzi wa kituo cha afya Msamala  ambacho kipo hatua ukamilishaji, Ujenzi wa kituo cha kituo cha Afya Subira wenye thamani ya shilingi milioni 500 fedha za TOZO ambao  umefikia  hatua ya ukamilishaji, pamoja na kiasi cha shilingi milioni 500  kwa ajili ya ujenzi wa Hospitali ya Wilaya ambao upo hatua ya utekelezaji.

Akizungumzia upande wa elimu Manispaa ya Songea ilipokea  shilingi milioni 660 kwa ajili ya ujenzi wa madarasa 29 ikiwa madarasa 26 kwa shule za Sekondari pamoja na madarasa 3 kwa shule za Msingi ikiwa ni Utekelezaji wa Mpango wa Maendeleo kwa Ustawi wa Taifa na Mapambano dhidi ya  UVIKO 19,.

Ametoa rai kwa vyombo vya habari vyote  kuendelea kutoa elimu kwa wananchi juu ya wazazi kuchangia chakula shuleni  ili wanafunzi waweze kupata chakula shuleni ikiwa [jukumu hilo halikwepeki litabaki kuwa ni la  mzazi. “Mbano alisisitiza”  

Aliongeza kuwa Serikali inaendelea kutoa fedha za Elimu bila Malipo kwa ajili ya kutatua chanagamoto mbalimbali kwa shule za Msingi na Sekondari lakini haimaanishi  mzazi huyo  asichangie  mchango wa chakula shuleni. 

Mwisho, Amewataka wananchi wote wa Manispaa ya Songea kuhakikisha wanafanya usafi wa mazingira kwenye maeneo yao wanayoishi ili mazingira ya mji yawe safi.

MWISHO