MTO huu una sumu

Tarehe ya kuwekwa: August 1st, 2018

Uchunguzi uliofanywa na Taasisi za  maji za Water Laboratory Unity na Chemical and Envromental Service za jijini Dar es salaam  umebaini kuwa mto  huu Lunyere uliopo katika Wilaya ya Nyasa mkoani Ruvuma una  kiwango cha kutisha cha  kemikali hatari ya zebaki (mercury) ambacho kimefikia kipimo cha Hg/ug 0.02.Kiwango hicho hakikubaliki kitaifa na kimataifa kwa kuwa kina madhara kwa viumbehai.

 Zebaki iliyopo katika mto Lunyere inaendelea hadi Mto Ruvuma kisha kuingia bahari ya Hindi .Mto Lunyere unachafuliwa na wachimbaji wa madini eneo la Darpori mpakani mwa Tanzania na Msumbiji hali iliyosababisha mto Ruvuma pia kuathirika na zebaki.
 wataalamu wanasisitiza kuwa kamwe mtu asiiguse  zebaki  kwa kula kupitia chakula au maji  kwa kuwa zebaki ikiguswa inaingia moja kwa moja kwenye damu na ina kwenda  kutua kwenye ubongo na kusababisha ubongo kusimama hivyo  kuua ubongo hali inayosababisha kifo cha ghafla na magonjwa mengine kama saratani  na ulemavu wa akili. 

 Wataalam wanatahadharisha kuwa  ukila samaki wanne tu wenye zebaki unaweza kuathirika na zebaki,hata hivyo madhara hayo huchukua miaka mingi kujitokeza ndiyo maana inakuwa vigumu mtu kutambua alipata tatizo hilo lini hivyo kuendelea kutumia bidhaa ambazo zimeathirika na zebaki.

Mwandishi wa makala haya ni Albano Midelo,mawasiliano 0784765917