MTO unaoongoza kwa uchafuzi wa ziwa Nyasa

Tarehe ya kuwekwa: June 9th, 2018

Mkuu wa wilaya ya Nyasa mkoani Ruvuma Isabela Chilumba  amekagua Msitu wa Hifadhi ya asili ya Chiwindi yenye ukubwa wa hekta 3000 iliyopo mpakani mwa Tanzania na Msumbiji na kubaini uchafuzi unaofanywa na shughuli za kibinadamu.

Uchunguzi umebaini kuwa kuna uchafuzi wa kutisha  ndani yake hifadhi hiyo ambapo mto Chiwindi uliopo mpakani mwa Tanzania na Msumbiji,unaopita ndani ya hifadhi hiyo umechafuliwa katika kiwango cha kutisha.

Mto huo ambao unamwaga maji yake ziwa Nyasa ni mchafu kwa mwaka mzima kutokana na kuchafuliwa na wachimbaji wadogo wa madini ya dhahabu toka nchi zote mbili ambao wanatumia kemikali ya zebaki kusafishia dhahabu.

Taarifa ya Ofisi ndogo ya Bonde la Maji la ziwa Nyasa inaonesha kuwa kati ya mito mikubwa minane inayoingiza maji katika ziwa Nyasa,mto Chiwindi unaoongoza kwa uchafuzi wa taka zenye sumu ambazo zinaleta athari kubwa kwa binadamu na  viumbehai wa mtoni na ziwa Nyasa.

Utafiti umebaini ziwa Nyasa linapokea takataka mbalimbali ikiwemo taka zenye sumu kutoka katika mito inayomwaga maji katika ziwa hilo na kusababisha kina cha maji kupungua.

Mito mitano  inayoongoza kwa kusomba mchanga na tope na kutumbukiza ndani ya Ziwa Nyasa   ni mto Ruhuhu wenye ukubwa wa mita za mraba13,490,mto Songwe  mita 3,550, mto Rufirio  mita1,350, mto Kiwira mita 1,660 mto Lumbira mita 1,414 na mto Chiwindi.

Mto Ruhuhu ambao chanzo chake ni Mkoa wa Njombe na Ruvuma umechafuliwa na maji yake yanaonekana kuwa na tope kwa mwaka mzima kutokana na shughuli za kilimo na uchimbaji wa madini ambao unafanywa na wakazi ambao wanaishi kando kando mwa mito hiyo.

Imetolewa na Albano Midelo

Afisa Habari Serikalini simu 0784765917