MWANAMKE NI NGUZO MUHIMU KATIKA FAMILIA

Tarehe ya kuwekwa: March 8th, 2020

Kauli hiyo imetolewa leo 08/03/2020 kwenye sherehe za maadhimisho ya siku ya wanawake Duniani  zilizofanyika katika Uwanja wa Majimaji mjini Songea.

Mgeni Rasmi  katika maadhimisho hayo Mh Mbunge Viti Maalm  Mkoa Wa Ruvuma Jackline Msongozi.

Msongozi  alisema leo ni siku pekee iliyowekwa kwa ajili ya kumkumbuka Mwanamke ambaye ni nguzo katika familia kwani pasipokuwa  na mwanamke hakuna binadamu ambaye angeweza kuzaliwa hivyo mwanamke aheshimiwe duniani kote.

 Awali akiwa  anakagua vibanda  vya maonyesho ya biashara mbali mbali uwanjani humo, aliwapongeza wanawake wajasiliamali kwa ubunifu mzuri wa kuboresha na kutunza biashara zao kwenye vifungashio ambavyo ni salama kwa walaji/wateja. 

Akijibu  Hotuba iliyosomwa na kaimu  Afisa maendeleo ya jamii Manispaa ya  Songea Joyce Mwanja kiongozi huyo alisema” atahakikisha anasimamia na kutetea  haki, usawa na masuala ya  kijinsia ambayo yanaendana sambamba na  kauli mbiu ya mwaka huu inayotuelekeza, na  kutathimini miaka 25 tangu kupitishwa kwa azimio la Ubelgiji. Pia  alikemea vikali matukio ya  Ukatili kwa wanawake, unyanyasaji wa  kijinsia yanayojitokeza katika jamii na kusema tabia hiyo haitakiwi katika Maisha yetu.”

Akimpongeza  Mkurugenzi wa manispaa ya Songea Tina Sekambo  kwa kutambua nafasi ya mwanamke katika jamii na kuweza kuwawezesha  wanawake hao  kwa kutoa mikopo zaidi ya mil 100 na kugawa msaada kwa watu wenye  mahitaji maalum.  Aidha alitoa rai kwa  Taasis zinazotoa mikopo kuendelea kutoa mikopo yenye riba nafuu ili  akinamama wajasiliamali  waweze kukopa na kukuza mitaji yao.

Aliwaasa wananchi wa Mkoa wa Ruvuma kuchukua tahadhari dhidi ya  ugonjwa hatari wa  CORONA ambao ni tishio duniani.

Kauli mbiu ya Maadhimisho 2020” “ KIZAZI  CHA USAWA KWA MAENDELEO YA TANZANIA YA SASA NA BAADAYE.”

                                                                   IMEANDALIWA NA ;

                                                                        AMINA PILLY

                                         KAIMU AFISA HABARI MANISPAA YA SONGEA.