NAIBU KATIBU MKUU OR-TAMISEMI " ATOA MAAGIZO KWA WATAALAMU MKOANI RUVUMA."

Tarehe ya kuwekwa: November 14th, 2022

NAIBU Katibu Mkuu Ofisi ya Rais TAMISEMI  Tawala za Mikoa na Serikali za Mitaa,  Ramadhan  Kailima amewataka  wataalamu Mkoani Ruvuma kuhakikisha wanafuta HOJA za ukaguzi kwa kila Halmashauri  ifikapo disemba 2022.

Hayo yamejili katika kikao  kazi cha utekelezaji wa maagizo ya LAAC “ Local Authority Accounting Comettee” kilichofanyika leo tarehe 14 Novemba 2022 katika ukumbi wa Manispaa ya Songea na kuhudhuriwa na Wakurugenzi  kutoka kila Halmashauri Mkoani Ruvuma pamoja na wakuu wa Idara mbalimbali kwa  lengo  mahususi la kupata taarifa za utekelezaji wa maagizo yaliyotolewa na kamati ya  LAAC.

Ndugu Kailima alisema kuwa, lengo la kutembelea Mkoa wa Ruvuma ni kwa ajili ya  kushiriki kikao kazi na kupokea  taarifa ya utekelezaji wa HOJA za ukaguzi za Mdhibiti na Mkaguzi Mkuu wa Hesabu za Serikali pamoja na maagizo ya kamati ya  LAAC ambapo amewataka wataalamu wote kila Halmashauri  kuhakikisha wanajibu Hoja zote za Ukaguzi .

Alisema Hoja zilizosalia kipindi cha miaka ya  nyuma Mkoani Ruvuma zilikuwa 114 kati ya hizo Hoja 84 zimefungwa ambapo HOJA 30  bado hazjajibiwa  pia katika mwaka wa fedha 2020/2021 Mkoani Ruvuma kumekuwa na Hoja mpya 228 kati ya hizo Hoja 138  zimefungwa, Hoja 90 bado hazijajibiwa, na kufanya kuwa na jumla ya hoja ambazo bado hazijajibiwa 120 ambapo ameagiza kufutwa kwa hoja hizo ifikapo disemba 2022. “Kailima amesisitiza.”

Kwa upande wake Katibu Tawala Mkoa wa Ruvuma Stephen Mashauri Ndaki alisema katika kufanikisha kusimamia  maagizo yaliyotolewa  ya HOJA  za Ukaguzi, ambapo  Ofisi ya Mkuu wa Mkoa  imetoa maelekezo kwenye Halmashauri zote 8 na kuhakikisha taarifa hizo zinawasilishwa pamoja na uzingatiaji wa  sheria mbalimbali za  kutangaza kupitia gazeti la Serikili.

Kwa upande wa Halmashari ya Manispaa ya Songea katika ukaguzi wa hesabu kwa mwaka 2020/2021  na miaka ya nyuma kulikuwa na Hoja za ukaguzi 61 kati ya hizo Hoja zilizofungwa 47,na kusalia  hoja 14 pamoja na maagizo 3 ambayo yametekelezwa  sawa na  asilimkia 100% ambapo kwa mwaka 2020/2021 Halmashauri hiyo ilifanikiwa kupata HATI INAYORIDHISHA.

AMINA  PILLY;

KITENGO CHA MAWASILIANO SERIKALINI.