NAIBU Waziri wa Elimu asikitishwa na kasi ndogo ya TBA kukarabati Songea Girls

Tarehe ya kuwekwa: October 8th, 2018

NAIBU Waziri wa Elimu,Sayansi na Teknolojia William Ole Nasha amemuagiza Katibu Mkuu wa Wizara ya Elimu kufanya mazungumza na Wakala wa Ujenzi Tanzania (TBA) kutokana na kusuasua kwenye miradi ya ujenzi ya Wizara hiyo ikionekana inafaa kuvunja mkataba na TBA.

 Ametoa kauli hiyo baada ya kupata taarifa toka kwa mkuu wa shule ya Sekondari ya wasichana Songea  Tupoke Ngwala ilionesha kuwa ukarabati wa mabweni unasuasua hali inayoleta usumbufu mkubwa kwa wanafunzi wa shule hiyo ambao ni zaidi ya 800.Naibu Waziri wa Elimu alikuwa katika ya ziara ya kikazi ya siku mbili wilayani Songea na Namtumbo mkoani Ruvuma.