NAIBU WAZIRI WA NCHI OFISI YA RAIS-TAMISEMI DAVID SILINDE, AIPONGEZA MANISPAA YA SONGEA KWA KUSIMAMIA MIRADI KWA UFANISI.

Tarehe ya kuwekwa: February 24th, 2021

Miongoni mwa wataalamu waliosimamia vizuri miradi ya ujenzi wa miundombinu ya shule ni pamoja na Halmashauri ya Manispaa ya Songea “ hongereni sana.”

Kauli hiyo imetolewa na Naibu Waziri wa Nchi Ofisi ya Rais-TAMISEMI Mh. David Ernest Silinde (MB) akiwa  ziarani  Manispaa ya Songea leo tarehe 24 februari 2021 ambapo ameweza  kutembelea miradi mbalimbali ya ujenzi  ya miundombinu ya shule za Sekondari na kujionea ufanisi mkubwa wa utekelezaji wa miradi hiyo.

Mh. Silinde (MB) alisema  lengo la  ziara hiyo ni kukagua matumizi sahihi ya fedha za Serikali (EP4R) na kujiridhisha kama fedha iliyotolewa imeendana na thamani halisi ya mradi uliokusudiwa  ambapo Serikali ilitoa fedha Tsh milioni 80,000,000  shule ya Sekondari ya Mdandamo pamoja na Sekondari ya Chabruma kwa ajili ya kujenga mabweni.

Aliongeza kuwa mwaka 2021 Serikali imeweka mpango wa kujenga Sekondari 1000 mpya, pamoja na ujenzi wa  Sekondari 26 yaani kwa kila Mkoa utakuwa na sekondari moja za wasichana ili kuwaondolea changamoto mbalimbali zinazowakabili.

Alisema  kuna baadhi ya Halmashauri nyingine zimepewa fedha nyingi za mradi lakini wameshindwa  kutekeleza  mradi ipasavyo kutokana na kujiongezea gharama za manunuzi na kudai kuwa fedha hizo  hazitoshi “kwa fedha za Serikali  huo ni wizi”

Akitoa pongezi kwa Mkurugenzi wa Manispaa ya Songea, Mhandisi wa Ujenzi wa Manispaa, wakuu wa shule zenye miradi hiyo, kwa usimamizi mzuri wa miradi ya ujenzi wa Bweni katika shule ya Sekondari Mdandamo pamoja na Sekondari ya Chabruma na kusisitiza kuwa wataalamu hao ni mfano wakuigwa.

Mh. Silinde  amehitimisha  ziara yake leo katika halmashauri ya Manispaa ya Songea na   kuendelea na ziara hiyo katika Halmashauri ya Wilaya Songea na Mbinga.

IMEANDALIWA NA;

AMINA PILLY;

AFISA HABARI MANISPAA YA SONGEA.

24.02.2021