RC RUVUMA AKABIDHIWA MAGARI MAWILI KUPAMBANA NA CORONA.

Tarehe ya kuwekwa: April 6th, 2020

Mkuu wa Mkoa Wa Ruvuma Christina Mndeme, amekabidhiwa magari mawili yenye Namba DFPA 3573 na  DFPA 973, kutoka shirika la PSI Tanzania, ambapo makabidhiano hayo yamefanyika leo hii 06/04/2020  katika ofisi ya Mkuu wa Mkoa wa Ruvuma.

Meneja wa PSI Kanda za Juu Kusini Edger Mchaki amekabidhi Magari hayo kwa ajili ya kuunga mkono  jitihada  za Serikali ya awamu ya Tano, katika kukabiliana na Ugonjwa hatari wa CORONA.

Mndeme ametoa shukrani kwa Shirika la PSI na alisema” Magari haya yameongeza nguvu na yatafanya kazi  katika malengo mahususi kuanzia leo hii yatakwenda Mpakani Mkenda kwa ajili ya kwenda kuwachukua watu (13) ambao wameingia kupitia mpaka  Mkenda, ambao wametoka  Nchi jirani   lakini niwaTanzania, na  watapelekwa moja kwa moja  hadi kwenye maeneo yaliyoandaliwa, na watakaa huko kwa muda wa siku 14 kwa gharama zao kwa ajili ya uchunguzi zaidi. alisisitiza”

Mwisho, aliwaasa PSI na wadau wengine, kuendelea kusaidia jamii   katika kupambana na Ugonjwa  hatari wa CORONA kwa kutoa vifaa mbalimbali kama Thermal Scanner,marsk, pamoja na Gari la Wagonjwa.

IMEANDALIWA NA;

AMINA PILLY;

KAIMU AFISA HABARI MANISPAA YA SONGEA.