RC RUVUMA AMEWATAKA WAZAZI KUZINGATIA MALEZI BORA YA FAMILIA.

Tarehe ya kuwekwa: May 16th, 2023

Mkuu wa Mkoa wa Ruvuma Kanal. Laban Thomas amewataka wazazi  kudumisha  upendo  na mshikamano ndani ya familia ili kujenga  malezi bora katika jamii.

Niwajibu wa kila mzazi kujikita katika usimamizi wa malezi  ambayo ni msingi ikiwemo na kumjali mtoto katika mahitaji yake ya msingi , kumlinda mtoto dhidi ya ukatili pamoja na kuzungumza na mtoto mara kwa mara ili kujua changamoto zinazomkabili na maendeleo yake.  

Hayo yamejili  katika mahadhimisho ya siku ya familia duniani , ambayo  hufanyika kila ifikapo  Mei 15 kila mwaka,  ambayo kimkoa yamefanyika  katika Bustani ya Manispaa ya Songea  na kuhudhuliwa na wataalamu mbalimbali,  wakiwemo na wadau, viongozi wa vyama vya siasa,  viongozi wa wadini pamoja na wananchi mbalimbali kwa lengo la kukumbusha jamii juu ya umuhimu wa malezi bora ngazi ya Familia.

Kanal. Laban amesema  “ Mustakabali wa  malezi bora ya watoto yanatakiwa kusimamiwa na  wazazi au walezi  kwa kuzingatia maadili mema ili kuepusha migogoro ambayo yanaweza kusababisha familia  kusambaratika na kuacha  watoto bila uangalizi mzuri  ambayo hupelekea  watoto kukosa huduma muhimu”. Alisistiza.

Amewataka wataalamu wote  kuandaa makongamano katika ngazi za Serikali za Mitaa kwa  lengo la kutoa Elimu ya ukatili dhidi ya watoto  kwa kuwashirikisha viongozi wa dini ili kuondoa changamoto  na mmomonyoko wa maadili katika jamii ikiwemo ndoa za jinsia moja, madawa ya kulevya pamoja na ujambazi.

IMEANDALIWA NA;

AMINA PILLY

KITENGO CHA MAWASILIANO SERIKALINI.