RC RUVUMA ARIDHISHWA NA UTEKELEZAJI WA MIRADI "BOOST"

Tarehe ya kuwekwa: June 29th, 2023

Mkuu wa Mkoa wa Ruvuma Kanal. Laban Thomas ametoa pongezi kwa Wataalamu wa Manispaa ya Songea kwa usimazi na ufuatiliaji mzuri wa Miradi ya Maendeleo inayoendelea kutekelezwa kupitia Mradi wa Boost ambayo ipo katika hatua ya Ukamilishaji.

Manispaa ya Songea imepokea fedha kutoka Serikali kuu kupitia  mradi wa kuboresha upatikanaji wa fursa sawa  katika ujifunzaji bora wa elimu ya awali na Msingi Tanzania Bara (BOOST)  kiasi cha Shilingi mill. 893 kwa ajili ya ujenzi wa shule 7 za Msingi ambazo ni Kipera, Amani, Matogoro, Bombambili, Mkuzo na Ruhuwiko ambayo ilianza  ujenzi tarehe 15 Mei 2023).

Kanal Laban alisema” Ameridhishwa na hatua ya  utekelezaji wa mradi wa madarasa , Vyoo na majengo ya utawala ambapo amewataka wataalamu kuendelea kuwasimamia mafundi ili wawewze kukamilisha ujenzi kwa wakati ili majengo hayo yaweze kutumika na wanafunzi mara baada ya kufunguliwa shule.”

“Amewataka walimu kuhakikisha wanaboresha mazingira ya shule kwa kupanda miti ya vivuri, pamoja na maua ili kuweka mazingira safi na kuachana na kutumia fagio mara kwa mara kwa ajili ya kufagia  mazingira badala yake waweke bustani ya maua.”  Alisisitiza.”

Hayo yamejiri wakati wa ziara ya Mkuu wa Mkoa wa Ruvuma Kanal. Laban Thomas kwa lengo la kukagua miradi  iliyofanyika tarehe 28 Juni 2023 katika Manispaa ya Songea ambapo alikagua Shule ya Msingi Kipera ambayo ilipokea Fedha Mil. 513 kwa ajili ya Ujenzi wa Madarasa 16, matundu ya vyoo 24,na jengo la utawala pamoja na shule ya Msingi Ruhuwiko ambayo ilipokea fedha Mil 77 kwa ajili ya ujenzi wa madarasa 3 na matundu ya vyoo 3.

Ametoa Rai kwa viongozi wa Serikali za Mitaa kuwashirikisha wananchi wakati wa utekelezaji wa miradi ili kujenga ushirikiano  katika kulinda mazingira pamoja na miundombinu ya shule.

Alitoa Pongezi kwa Serikali ya awamu ya Sita  inaongozwa na Mheshimiwa, Dkt. Samia Suluhu Hassan kwa kutoa fedha Mil 893 kupitia Mradi wa BOOST ili kuboresha miundombinu ya Elimu ya awali na Msingi.

Kwa upande wake wananchi wakitoa shukrani kwa Rais wa Jamhuri ya Muungano wa Tanzania Mhe. Dkt Samia Suluhu Hassan, ambapo walisema mara baada ya kukamilika kwa ujenzi wa madarasa hayo yataondoa changamoto ya mlundikano wa Wanafunzi  darasani ” Walishukuru”

IMEANDALIWA NA                                                                                             

AMINA PILLY

KITENGO CHA MAWASILIANO SERIKALINI.