SHIRIKA LA PADI LAPINGA UKATILI WA KIJINSIA DHIDI YA WATOTO

Tarehe ya kuwekwa: September 8th, 2020

Mkurugenzi Mtendaji “PADI” Iskaka Msigwa amesema Ukatili wa kijinsia ni kitendo anachofanyiwa mtu na mtu mwingine ambacho kinaweza kumsababishia madhara kimwili, kingono, kisaikolojia, na kiuchumi.

Msigwa ametoa kauli hiyo akiwa  katika mafunzo ya wakuu wa idara mbalimbali kutoka Manispaa yaliyofanyika katika ukumbi wa Halmashauri ya Manispaa ya Songea leo 08.09.2020.

 Awali alianza na kusema Tanzania Mission to the Poor and Disabled (PADI) ni Shirika la kiraia lenye lengo la kuwasaidia watu maskini, Wazee, na Walemavu lenye makao makuu Mjini Songea  ambalo limekuwa chachu ya maendeleo kwa Wazee kwenye Manispaa ya Songea Mkoani Ruvuma Nchini Tanzania.

Alisema PADI imeanza kutekeleza mradi mpya unaotambulika kwa jina la USAID Kizazi Kipya ambao unalenga kuibua vipaji vya watoto wenye umri wa miaka 9-14,  pamoja na  kuhamasisha watoto kupata  Elimu ya kuondoa unyanyasaji wa kijinsia. Aidha, ili kuwapata watoto hao shirika  litashirikisha taasisi za dini  ( Misikiti na Makanisa ), na  Shule kwa ajili ya  kuwapatia  Elimu ya Ukatili wa kijinsia na ukatili dhidi ya watoto.

Aliongeza kuwa CBIM- Coaching Boys Into Men ni shughuli ambayo inatekelezwa mradi  ajili ya kuwafanya Wavulana wawe Wanaume Bora , Aidha  katika kutekeleza  utendaji wa kazi wa Mradi huu ambao walengwa ni watoto wataweza kushiriki  katika mchezo wa mpira wa miguu ambao watakuwa wanafundishwa na kocha ambaye atateuliwa na taasisi husika yaani shule,/ taasis ya dini ambaye pia atakuwa amepata mafunzo namna ya kusimamia michezo.

 Alibainisha kuwa michezo hiyo itafundishwa  kwa awamu 12,  na kwa kila siku baada ya  mafunzo hayo watatenga dakika 15 za  kufundisha nini maana ya Ukatili  ili waweze kufahamu madhara ya ukatili wa kijinsia, na baada ya mafunzo hayo zitatolewa zawadi kama begi la shule, daftari, peni, Viatu, na  Jezi za michezo kama motisha ya ushiriki wa mafunzo.

Naye Afisa ustawi wa Jamii Manispaa ya Songea Vicent Ndumbaro alisema  kuwa madhara ya ukatili wa kijinsia huathili uchumi, kimwili, kingono, na kisaikolojia ambapo alibainisha kuwa ili kutokomeza ukatili wa kijinsia nikuendelea kutoa Elimu kuhusu ukatili kijinsia kwa wazazi,  walezi, walimu, watoto, na jamii kwaujumla.

IMETAYARISHWA NA;

AMINA PILLY;

AFISA HABARI MANISPAA YA SONGEA.